Google ka publikuar modelin e ri të WeatherNext, i cili përmban ndryshim të madh në mënyrën se si gjenerohen parashikimet globale.
Teknologjia e re ofron parashikime shumë më të shpejta dhe më precize se modelet tradicionale.
WeatherNext 2 gjeneron të dhëna tetë herë më shpejt se versioni i mëparshëm dhe mund të krijojë qindra skenarë moti brenda një minute, duke përdorur vetëm një TPU, shkruan AP.
Mundesh me e lexu edhe...
Google thotë se modeli i ri tejkalon paraardhësin në 99.9% të variablave, duke ofruar parashikime të sakta për temperaturën, erën, lagështinë dhe motin deri në 15 ditë.
Modeli sjell edhe parashikime me rezolucion të lartë, me përditësime çdo orë.
Ai përdor një qasje të re, Functional Generative Network (FGN), që e ndihmon të krijojë skenarë të ndryshëm, përfshirë edhe ata me rrezik më të lartë, duke mbajtur parashikimet fizikisht të sakta. /Katror.info
