Në Ambasadën e Republikës së Kosovës në Vjenë, u pritën në një takim jo formal një grup i femrave afaristeve nga sektori i Teknologjisë Informative dhe një numër i përfaqësuesve të Start-up , që të gjithë nga Kosova, shkruan albinfo.at.
Ky Grup nga Kosova po qëndronin në një vizitë pune javore 3-9 Qershor në Vjenë në kuadër të festivalit “ViennaUP”, festival ky mbarëbotëror i sipërmarrjes dhe inovacionit, i krijuar nga komuniteti startup për botën.
Kjo ishte vizita e parë e këtij lloji dhe pjesëmarrja e parë e bizneseve të Kosovës në Vienna Up festival, dhe se të pranishmit njoftuan se ngjarjet në këtë festival, u njoftuam se ishin projektuar dhe organizuar nga 35+ partnerë të programit dhe janë bashkuar me mbështetjen e Agjencisë së Biznesit të Vjenës në një festival njëjavor. Andaj, ky aktivitet u përmbyll më së miri në një event/ takim të organizuar nga Ambasada e Kosovën në Austri në koordinim me Rrjetin e Bizneseve Shqiptare në Austri.
Mundesh me e lexu edhe...
Këshilltarja në Ambasadë znj. Kaltrina Ademi Oruci, ju ofroi përkrahjen dhe mbështetjen e pakusht përfaqësuesve të bizneseve nga Kosova, duke iu bërë me dije që ambasada është shtëpia e tyre jashtë Kosovës dhe duke i inkurajuar për punën dhe arritjet e tyre të jashtëzakonshme.
Në këtë takim mysafirët nga Kosova i përshëndeti edhe Yll Blakaj kryetar i Rrjetit të bizneseve Shqiptare në Austri, e po ashtu dhe koordinatorja e Rrjetit të Bizneseve Shqiptare në Austri, znj. Lindita Fetiu Sina, e cila theskoi se edhe pse në komunitetin tonë në Austri nuk kemi mjaftueshëm afariste femra, ato që i kemi janë me të vërtet të jashtëzakonshme dhe janë lidere në fushën e tyre.
Grupin nga Kosova, i përfaqësoj në një fjalë rasti drejtoresha e STIKK-ut znj. Vjollca Cavolli.
Ajo shprehi mirënjohje për Ambasadën dhe realizimin e këtij takimi duke potencuar se askund më mirë nuk ndihemi se në shtëpinë tonë, e po ashtu shprehu krenarinë e saj që kishte për afaristet femra të cilat shfrytëzuan në maksimum vizitën në Austri për tu rrjetizuar, bashkëpunuar dhe prezantuan Kosovën në eventet ku ishin pjesëmarrëse.
Në mes tjerash theksoi se Kosova ka një potencial të jashtëzakonshëm që pak shtete e kanë, dhe në një sektor të dominuar nga gjinia mashkullore – vendi ynë dallon për prezencën e madhe të femrave në këtë sektor, që është një krenari dhe arritje e madhe./Katror.info
Përgatiti:
