Green Fest po nis sot me edicionin e 14-të, nën temën “Lum na,” një nismë kjo që synon të ndërgjegjësojë e qytetarëve për ndotjen e ujit dhe lumenjve në Kosovë.
Edicioni i sivjetmë do të nisë nga sot dhe do të vazhdojë deri më 18 gusht 2024 në Parkun e Qytetit të Mitrovicës, duke ofruar një sërë aktivitetesh edukative, kulturore dhe ndërvepruese për të gjitha grupmoshat.
Lidhur me mbarëvjatjen e festivalit, slloganin e këtij edicioni si dhe aktivitetet, qofshin ato muzikore, filma dokumetarë, ekspozita apo aktivitetet të tjera, ka folur drejtori ekzekutiv i festivalit, Lulzim Hoti.
“Ky edicion i është dediku lumenjve, fillimisht mund të shihet kjo me dy kuptime, si ‘Lum na, që kemi lumenjë’, por edhe si ‘Lum na, në çfarë gjendje i kemi’, në aspekt ironik. Kështu që, ideja jonë është që të themi që lumenjë jemi edhe na vetë, sepse gjendja e lumenjve reflekton, pasqyron kush jemi ne”, u shpreh drejtori i Green Fest, Lulzim Hoti, lidhur me slloganin e sivjetmë të festivalit.
“Festivali fillon sot me hapje zyrtare, ku do të jenë të pranishëm edhe përfaqësuses nga institucione qendrore, lokale si dhe institucione të huaja. Do të ketë muzikë, do të ketë aktivitete të ndryshme, vetëm sonte do të kemi shfaqjen e filmit dokumetarë ‘Vjosa: It’s my Name’, që i dedikohet lumit Vjosa, që për mendimin tim është prej lumenjëve të vetëm që është i lumtur…”, u shpreh Hoti, lidhur me aktivitetet që do të zhvillohen në kuadër të festivalit.
“Ndërkaq përveç kësaj do të ketë edhe ekspozita artistike me Drinin e Bardhë nga fotografi Ferdi Limani, si dhe muzikë me Don’t Listen to Your Neighbors, një grup i fëmijëve që do të fillojnë festivalin me cicërimat buzë Ibërit, është një kor i fëmijëve të Mitrovicës”, shtoi tutje Hoti.
Çdo vit, Green Fest trajton temat në sinkron me Objektivat e Zhvillimit të Qëndrueshëm dhe sivjet ka marrë për bazë SDG 14 (Jeta nën ujë).
“Përmes pyetjes reflektive, “A mund të themi ‘Lum Na’?” ky edicion i festivalit synon të theksoj gjendjen alarmante të lumenjve të Kosovës, të cilët janë ndotur rëndë nga mbetjet industriale e bujqësore, nga mungesa e infrastrukturës adekuate për trajtimin e ujërave të zeza, të cilat mbi të gjitha janë ndotur dhe degraduar nga faktori njeri. E përveç ndotjes, ndryshimet klimatike pritet të shkaktojnë thatësira dhe shpeshtim të përmbytjeve përgjatë viteve në vijim”, thuhet në njoftimin e Festivalit.
“Duke ofruar një program të pasur pesë ditorë, me aktiviteteve edukative dhe rekreative, festivali synon të rris ndërgjegjësimin për rëndësinë e ruajtjes së lumenjve, si dhe të nxis veprime konkrete për mbrojtjen e mjedisit në mbarë Kosovën.
Këtë vit, 7Arte si organizatore e festivalit, ka gjetur mbështetur përmes projektit “Empowering Environmental Civil Society Organizations in Kosovo” (EECSOK), projekt ky i implementuar nga Community Development Fund (CDF) dhe i financuar nga Ambasada e Suedisë në Prishtinë”, thuhet tutje në njoftim./Katror.info
Përgatiti:
