Kur zgjedh gra të spikatura në të gjitha fushat e veprimtarisë, nga politika dhe sipërmarrja e deri te bota e argëtimit, revista Forbes udhëhiqet nga kritere që kanë të bëjnë me paratë, përfaqësimin në media dhe ndikimin personal. Revista ka publikuar listën e saj të femrave më të fuqishme në vitin 2023.
Por këtë herë, mes liderëve që përcaktojnë botën me veprimet e tyre, është për herë të parë një kukull. Bëhet fjalë për Barbie, lodrën e kultit Mattel, heroinën e filmit me të njëjtin emër, e cila këtë verë mbushi arkat e kinemave dhe e lyu botën në rozë.
Ajo është personazhi i parë imagjinar i përfshirë në listën prestigjioze dhe renditet në vendin e 100-të, shkruan Forbes. Ajo u shfaq në listë si një simbol i fuqizimit të femrës dhe një shtysë jokonvencionale për luftën e grave për të rifituar të drejtat që u ishin hequr.
Me pak fjalë, Barbie është shumë më tepër se një lodër plastike.
Ajo mishëron nevojën që gratë të luftojnë për të gëzuar të drejtat që u janë hequr, nga qasja e vajzave në arsim në Afganistan dhe të drejtat personale në Iran, deri te mbrojtja nga dhuna me bazë gjinore në zonat e konfliktit si Ukraina dhe Gaza, sipas në Forbes.
CEO i Mattel i markës Barbie, Lisa McKnight, tha se “Barbie është një forcë që duhet llogaritur”. Ajo shton se kukulla ka frymëzuar vajzat dhe nënat e tyre për breza të tërë, por këtë vit femrave u është dashur më së shumti si një nxitje për fuqizim.
Barbie e ka kaluar këtë test: pothuajse 65 vjet pasi u krijua, ajo ka arritur majat e pushtetit. Për shembull, pas filmit, shitjet e kukullës Barbie u rritën me 16 për qind në tremujorin e tretë të vitit: një diferencë prej 605 milionë dollarësh më shumë krahasuar me të njëjtën periudhë të vitit të kaluar.
Firma britanike e kërkimit të tregut Euromonitor International pretendon se Barbie mund të rrisë shitjet globale të kukullave në 14 miliardë dollarë deri në vitin 2027, 16 për qind më shumë nga viti 2022. Përveç kësaj, filmi fitoi 1.4 miliardë dollarë në arkat në mbarë botën.
Aq shumë u përfol për filmin, saqë u pasua nga një lëvizje e tërë mode, në qendër të së cilës është ngjyra intensive rozë Barbie. Kukulla ka më shumë se pesë milionë ndjekës në TikTok dhe Instagram dhe pothuajse 12 milionë abonentë në YouTube.
Duhet shtuar gjithashtu se në vitin 1959, kur Barbie u prezantua në publik, gratë nuk mund të merrnin para hua nga një bankë ose të hapnin një llogari pa nënshkrimin e burrit ose babait të tyre. Ruth Handler e projektoi atë për të përdorur shembullin e një kukulle për t’i treguar vajzës së saj se ajo mund të zgjedhë një karrierë në jetë nëse dëshiron./Katror.info
Përgatiti:
