Fatmir Berisha një sipërmarrës në Thethin e bukur i cili ofron një grumbull vlerash dhe veçorish natyrore, ka vendosur që të mos largohet si shumë të rinj në drejtim të kryeqytetit apo më shumë akoma, jashtë vendit.
Ai ka vendosur që kohën dhe të gjithë mundin e tij ta investojë në Theth, në shërbim të turistëve. I ftuar në podkastin Flasim të kryeministrit Edi Rama, Berisha është shprehur se çdo gjë në vendin e tij ka nisur nga vizita e dy turistëve, të cilët kërkonin një vend për të fjetur. Me gjithë bujarinë që shqiptarët si popull i karakterizon, sigurisht që prindërit e Fatmirit i morën në shtëpinë e tyre dhe në momentin e largimit ata nuk pranuan asnjë pagesë nën justifikimin se “miqve nuk u merret lekë”.
“Në moshën 16 vjeç, rastësisht takoj në Theth një familje hollandeze. Unë nuk dija mirë të komunikoja anglisht dhe më pyetën se ku mund t’i orientoja për të fjetur një natë. I thashë ejani tek shtëpia ime. I lëshova dhomën ku flija vetë dhe pastaj babi më tha “mikut nuk i merret lekë”. Në momentin që ata ikën na pyetën se sa kushtonte, i thamë se është traditë që ne mikut nuk i marrim lekë. Normalisht ata na lanë një përqindje vetë”, u shpreh Fatmiri.
Mundesh me e lexu edhe…
Por një problem që i riu ngriti ishte mungesa e legalizimeve të banesave, e cila është një shqetësim për shumë banorë anembanë Shqipërisë. Mungesa e tyre i ka bërë shumë vendas të tjerë të Thethit që shtëpitë e tyre të mos i restaurojnë dhe t’i kthejnë në biznes, por të zgjedhin rrugët e migrimit ose emigrimit. /Katror.info
Përgatiti:
