Çifti i famshëm, modelja Hailey dhe këngëtari Justin Bieber do të bëhen prindër së shpejti.
Dyshja e njoftoi lajmin e gëzueshëm për fansat e tyre përmes një postimi në Instagram, të dy duke shpërndarë një video që tregon barkun në rritje të Hailey Bieber.
Ata kanë postuar gjithashtu një seri fotosh që tregojnë yllin e hitit “Yummy”, 30 vjeç, duke fotografuar gruan e tij 27-vjeçe, e cila është e veshur me një fustan dantelle krejt të bardhë.
Mundesh me e lexu edhe…
Po ashtu Justin shihet gjithashtu duke mbajtur me dashuri barkun e Haileyt në një foto, shkruan CNN, transmeton AlbanianPost.
Ky do të jetë fëmija i parë për çiftin, të cilët janë të martuar prej gjashtë vitesh.
Në vitin 2018, Justin Bieber njoftoi në faqen e tij në Instagram se dyshja ishin fejuar, duke shkruar: “Hailey jam shumë i dashuruar me gjithçka rreth teje! Aq i përkushtuar për të kaluar jetën time për të njohur çdo pjesë tënden duke të dashur me durim dhe mirësi”.
“Ti je dashuria e jetës sime. Nuk do të doja ta shpenzoja me askënd tjetër”, shtoi Justin aso kohe.
Vetëm pak muaj pasi shpallën fejesën, çifti u martuan fshehurazi në një gjykatë në Nju Jork.
Në vitin 2019, ata u martuan përsëri në një ceremoni luksoze me familjen dhe miqtë në një resort luksoz në Karolinën e Jugut.
“Ai është një njeri i jashtëzakonshëm, i mrekullueshëm dhe një partner kaq i mirë për të kaluar jetën me të”, tha Hailey Bieber për Elle në një intervistë të vitit 2020.
“Nuk ka asnjë tjetër me të cilin do të kisha dashur të kaloja jetën time përveç tij. Kështu që unë jam me fat”, kishte shtuar ajo.
Një burim i afërt me çiftin zbuloi se dita kur prindërit e ardhshëm mësuan se po prisnin fëmijën e tyre të parë së bashku ishte “vetëm dita më e mirë për ta”.
“Të gjithë janë të emocionuar për ta”, thotë burimi.
“Ata do të jenë prindër të mrekullueshëm dhe Justin do të jetë super i përfshirë. Ky do të jetë projekti tjetër i rëndësishëm për të. Ai është shumë i emocionuar për të rritur fëmijën e tij. Ata kanë një emër që mendojnë se është i përsosur. Ata gjithashtu kanë filluar të dekorojnë dhomën dhe mezi presin të takojnë foshnjën”, shtoi ai.
Pas ndarjes së lajmit publikisht, shumë nga miqtë e tyre ndanë emocionet e tyre në seksionin e komenteve të postimit./Katror.info
Përgatiti:
