Një startup që ka shpikur një filtër për të kapur mikrofibrat që dalin nga lavatriçet, ka hapur një fabrikë për riciklimin e tyre në Angli.
Impianti në Bude, në Cornwall, konsiderohet si i pari në botë i këtij lloji. The Cleaner Seas Group (CSG), kompania që qëndron pas këtij projekti, vlerëson se fabrika mund të riciklojë deri në 86 tonë mikrofibra në vit, duke i kthyer ato në materiale të dobishme për ndërtim dhe ambalazhime.
Startup-i ka zhvilluar një sistem me vlerë 130£ që mund të instalohet në lavatriçe dhe që kap mijëra mikrofibra gjatë çdo larjeje. Ky sistem u lançua në vitin 2020. Tani, përdoruesit që e kanë blerë filtrin mund t’i dërgojnë filtrat e përdorur në fabrikë për të ricikluar mikrofibrat e mbledhura.
Mundesh me e lexu edhe…
“Ndotja nga mikroplastika është një krizë globale që ndodh para syve tanë,” tha Dave Miller, drejtori i CSG. “Është në oqeanet tona, ushqimin tonë, madje edhe në gjakun tonë. Na thonë se është shumë komplekse për t’u zgjidhur – por ne po dëshmojmë të kundërtën.”/Katror.info
