Me 625 metra lartësi, Ura e Kanionit të Madh Huajiang në provincën Guizhou të Kinës është shpallur zyrtarisht ura më e lartë në botë. Ky projekt gjigant inxhinierik është një urë e varur me një gjatësi prej 1.420 metrash, e cila lidh dy brigjet e thepisura të kanionit malor Huajiang, shkruan DW Shqip.
Hapja e urës ka sjellë një ndryshim të madh për banorët dhe udhëtarët: udhëtimi që më parë zgjaste rreth dy orë përmes rrugëve malore të ngushta, tani mund të përshkohet në vetëm pak minuta.
Ndërtimi i urës zgjati tre vjet dhe kushtoi më shumë se dy miliardë juanë (afro 280 milionë dollarë amerikanë).
Mundesh me e lexu edhe…
Sipas mediave shtetërore kineze, 18 nga 20 urat më të larta në botë ndodhen në Kinë, duke e bërë vendin lider absolut në ndërtimin e urave gjigante.
Kjo urë tashmë është jo vetëm një infrastrukturë funksionale, por edhe një atraksion turistik që pritet të tërheqë vizitorë nga e gjithë bota, të cilët duan të shohin nga afër “mrekullinë e re” të inxhinierisë kineze. /Katror.info
