Një koncept fantastiko-shkencor për të ndërtuar një hekurudhë hënore mund të jetë një hap më afër realitetit, pas marrjes së parave dhe kohës nga NASA. Projekti “Flexible Levitation on a Track (Float)” do të përdorte magnet për të “notuar” si një tabaka robotike në sipërfaqen e Hënës, duke i lejuar astronautët të transportojnë objekte dhe materiale më lehtë.
Float u propozua për herë të parë në 2021 dhe është një nga gjashtë idetë e zgjedhura për t’u mbështetur në fazën e dytë të programit ”Innovative Advanced Concepts (NIAC)” të NASA-s. Në planet e paraqitura nga NASA, çdo robot lundrues individual do të ishte në gjendje të transportonte deri në 30 kilogramë ngarkesë në shina hekurudhore.
Por, ndryshe nga hekurudhat në Tokë, të cilat ndërtohen dhe shpohen në tokë, këto shina thjesht do të shtrihen në sipërfaqen e Hënës, duke mos lënë asnjë dëmtim. Është ende herët për ekipin pasi ideja do të testohet fillimisht në Tokë, me disa prototipe robotësh. Shpresohet që Float mund të luajë një rol në programin Hënë në Mars të NASA-s, i cili synon të ndërtojë një bazë të qëndrueshme dhe të përhershme në Hënë, ku do të nisin misionet e ardhshme të Marsit.
Mundesh me e lexu edhe…
Rikujtojmë, se shkencëtarët kanë thyer heshtjen në lidhje me një raport të fundit se një teleskop i NASA-s ka gjetur shenja të jetës së alienëve. Shtatorin e kaluar, interesi u shtua rreth një planeti të quajtur K2-18b, një botë rreth 125 vite dritë nga Toka. Vëzhgimet erdhën falë teleskopit hapësinor Hubble të NASA-s, i cili ka nxitur studime të mëtejshme rreth hapësirës siç e njohim ne. Nikku Madhusudhan, një astronom në Universitetin e Kembrixhit dhe autori kryesor i studimit të shtatorit të vitit 2023, tha:
Gjetjet tona nënvizojnë rëndësinë e shqyrtimit të mjediseve të ndryshme të banueshme në kërkimin e jetës diku tjetër. Tradicionalisht, kërkimi i jetës në ekzoplanetë është fokusuar kryesisht në planetë më të vegjël shkëmborë, por botët më të mëdha të Hycean janë dukshëm më të favorshme për vëzhgimet atmosferike. /Katror.info
Përgatiti:
