Futbollisti i Kombëtares së Kosovës, Veldin Hoxha është shprehur optimist se Dardanët do të japin më të mirën në ndeshjet e shtatorit.
Dardanët më 5 shtator do të luajnë në Basel kundër Zvicrës, derisa tri ditë më vonë në ‘Fadil Vokrri’ do të sfidojnë Suedinë, ndeshje këto që luhen në kuadër të kualifikueseve për Kupën e Botës 2026.
Hoxha pas stërvitjes së sotëm, ka thënë së ndihet i lumtur që është pjesë e ekipit kombëtares sonë.
Mundesh me e lexu edhe…
“Jam shumë i lumtur që jam këtu. Do të jap maksimumin tim dhe dua ta ndihmoj ekipin të përmirësohet dhe të fitojë ndeshjet e ardhshme”, ka thënë Hoxha.
“Përshtypjet e para janë shumë të mira. Hapi i parë që kam bërë ka qenë shumë pozitiv. Jam vërtet i lumtur që jam këtu dhe do të doja të vazhdoja të jem këtu edhe në të ardhmen”.
“Kemi një grup shumë të vështirë. Janë ekipe shumë të forta, por unë besoj se kemi një mundësi dhe do të përgatitemi shumë mirë për këto ndeshje. Do të japim gjithçka dhe do të mundohemi të fitojmë e të jemi në krye të tabelës. Dua që tifozët të na mbështesin. Kam qenë i pranishëm në disa ndeshje më parë dhe e di si na mbështesin, prandaj shpresoj që edhe në të ardhmen të vazhdojnë të jenë pranë nesh”, ka theksuar ai./Katror.info
