Dhëmbët e njeriut mund të rriten dhe zhvillohen si kockat e trupit, sipas një studimi japonez, shkruan focus.it.
Studiuesit prej vitesh po punojnë për një ilaç eksperimental që premton rigjenerimin e dhëmbëve të njeriut.
Ilaçi ishte testuar tashmë me sukses dhe pa efekte anësore tek minjtë dhe ferret, dhe testet klinike të shumëpritura te njerëzit do të fillojnë gjithashtu në shtator.
Mundesh me e lexu edhe...
Preparati është një antitrup monoklonal – një proteinë e prodhuar në laborator e drejtuar kundër një objektivi molekular specifik – i cili frenon veprimin e një gjeni të quajtur USAG-1, duke rritur rrjedhimisht disponueshmërinë e disa faktorëve të rritjes.
Normalisht, gjeni në fjalë lidhet me proteinat morfogjenetike të kockave, një familje proteinash të përfshira gjithashtu në rritjen e kockave dhe kërcit.
Ilaçi eksperimental prish ndërveprimin midis gjenit USAG-1 dhe BMP-ve, gjithashtu të rëndësishme në rritjen e dhëmbëve, duke rritur disponueshmërinë e tyre.
Në testet e mëparshme, shkencëtarët nga universiteti i Kiotos që po ndjekin eksperimentin kanë treguar se ky “ndërveprim i ndërprerë” është i mjaftueshëm për të stimuluar rilindjen e dhëmbëve dhe se për të ri-rritur një dhëmb, gjithçka që duhet është injektimi i një dozë të vetme ilaçi.
Më parë, i njëjti grup kërkimor kishte modifikuar gjenetikisht disa minj për të nxitur një gjendje në të cilën disa dhëmbë nuk zhvillohen – agenesis dentare, d.m.th. mungesa kongjenitale e një ose më shumë dhëmbëve në lindje.
Megjithatë, duke injektuar minj me ilaçin eksperimental, minjtë pasardhës arritën zhvillimin normal të dhëmbëve. Për më tepër, një administrim i vetëm i antitrupave shkaktoi rritjen e një dhëmbi të ri te minjtë e shëndetshëm, jo të modifikuar gjenetikisht./albinfo.ch
Përgatiti:
