Për shumëkë udhëtimi është hobby, po ky s’ishte rasti i vetëm për Ilir Morinën. Ta vizitojë secilin vend të botës, për Ilirin u bë qëllim dhe objektiv në jetë. Këtë qëllim Iliri e plotësoi në vitin që e lam pas.
“The world is mine” shkroi Iliri në njoftimin që e bëri në rrjetin social Facebook. Me të vërtetë bota është e Ilirit.
Vera e vitit 2011 ishte pikënisja për Ilirin të merrte rrugë e ta ecte tërë botën.
Mundesh me e lexu edhe…
“Bota eshte e imja. Kam plotësuar 201 vende në listën time të udhëtimit.
Që sot, jam i lumtur të ndaj që zyrtarisht jam bërë kosovari/shqiptari i parë, qytetari më i ri gjerman 🇩🇪 dhe më i riu ballkanas që udhëton në çdo vend të botës.
M’u deshën 4222 ditë duke udhëtuar me kohë të plotë në 201 vende të botës. Gjatë këtij udhëtimi kam përdorur më shumë se 4 kombësi dhe pasaporta të ndryshme.
Ka 8 miliardë njerëz në këtë planet, 195 vende të njohura nga OKB-ja dhe vetëm më pak se 300 njerëz të njohur kanë vizituar të gjitha 195 vendet. Ajo që është më interesante, më shumë njerëz kanë qenë në Hapësirë dhe malin Everest sesa që kanë vizituar çdo vend.
Jam shumë i kënaqur që jam pjesë e 280 njerëzve të gjithë botës që hynë në çdo vend të botës. Për më tepër, ndihem krenar që e vendos Kosovën dhe Shqipërinë në hartë.
Duke përfunduar fuqishëm me vendin e Eritresë, si vendi i fundit në listën time të udhëtimit, Ishte destinacioni i përsosur për gjendjen e mendjes sime. Kalova 3 javë atje plotësisht i shkëputur nga bota dhe shijova kohën time duke reflektuar mbi këtë arritje historike dhe atë që dua të bëj më pas. Nuk ka mënyrë më të mirë për të festuar sezonin e festave me Krishtlindje dhe Vitin e Ri, dhe asnjë dhuratë më të mirë për të mbyllur 2022-shin dhe për të mirëpritur 2023-ën me synimet dhe objektivat e mia të radhës.” shkroi Iliri./Katror.info
Përgatiti:
