Instagram ka prezantuar tre funksione të reja që synojnë të forcojnë lidhjet mes përdoruesve dhe miqve të tyre. Funksionet e reja përfshijnë Ripostimet, Hartën e Miqve dhe një seksion të veçantë “Miqtë” brenda skedës Reels. Me funksionin Ripostime, përdoruesit mund të shpërndajnë përsëri përmbajtje publike nga krijuesit e tyre të preferuar, duke bërë që kjo përmbajtje të shfaqet në një tab të veçantë në profilin e tyre ose në rekomandimet e miqve. Kjo nxit ndarjen dhe shpërndarjen e përmbajtjeve interesante në rrjet, përcjell TAR.
Harta e Miqve ofron mundësinë që përdoruesit të ndajnë vendndodhjen e tyre vetëm me miqtë që zgjedhin vetë, duke siguruar një kontroll më të madh mbi privatësinë dhe ndërveprimet sociale. Ndërkohë, në seksionin “Miqtë” në tabin Reels, përdoruesit mund të shohin përmbajtjet që po i pëlqejnë miqtë e tyre, duke e bërë eksperiencën më sociale dhe të personalizuar. Këto funksione pritet të rrisin ndjeshëm ndërveprimin dhe bashkëpunimin mes përdoruesve, duke i bërë rrjetet sociale më të afërta dhe më argëtuese.
Rrjeti social Instagram gjithashtu ka bërë të ditur nuk lejon më profilet publike të nisin transmetime të drejtpërdrejta nëse kanë më pak se një mijë ndjekës dhe i njëjti fat i pret edhe profilet private. Në ditët e fundit, përdoruesit e Instagram kanë filluar të raportojnë se llogaritë e tyre nuk i plotësojnë më kërkesat për transmetim të drejtpërdrejtë përmes këtij aplikacioni të njohur dhe arsyeja është se kompania Meta ka ndryshuar kushtet. /Katror.info
Mundesh me e lexu edhe…
Përgatiti:
