Deti Egje është shtëpia e një ishulli të vogël që u ka treguar të gjithëve se jo vetëm është i pavarur nga energjia, por është i pari në botë që nuk prodhon asnjë mbetje, shkruan “The Sun”.
Tilos ndodhet në arkipelagun Dodekanez, në pjesën juglindore të detit Egje, pra në Greqi.
Interesi më i madh qëndron në faktin se Tilos është aktualisht ishulli i parë dhe i vetëm në botë që nuk prodhon mbetje. Banorët e Tilosit kanë qenë gjithmonë me mendje humaniste, prioritet i është dhënë gjithmonë shëndetit publik, të drejtave të njeriut dhe ekologjisë, përcjell koha.
Ishulli ka popullsi prej pak më pak se 800 banorë, të gjithë jetojnë në një park kombëtar me biodiversitet të jashtëzakonshëm. Para disa vitesh u hap termocentrali i parë hibrid me erë dhe diellor grek, i cili u mundësoi atyre të ishin plotësisht të pavarur nga energjia.
Kjo i dha mundësinë popullatës të përdorte automjetet elektrike, ndaj hapi tjetër logjik ishte reduktimi i mbetjeve. Tilos aktualisht riciklon më shumë se 80% të mbetjeve, shkalla më e lartë e riciklimit në botë. Sot aty nuk ka kosha plehrash, por qendra për riciklimin kreativ.
Politika e mbeturinave zero tërhoqi vizitorë për mjedisin dhe krijoi mundësi të reja ekonomike në lidhje me aplikimin e burimeve të rinovueshme të energjisë. Gjithashtu nisi eko-turizmin dhe bujqësinë, të cilat nxitën ndjeshëm ekonominë lokale./Katror.info