Dashuria e James Cameron për oqeanin është e dukshme në vazhdimin e filmit të tij të suksesshëm të vitit 2009, fitues i Oskarit “Avatar”, mirëpo këtë herë do ta titullojë “Avatar: The Way of Water”.
Cameron në një intervistë me Jason Caroll të CNN, tha se si filmi që do të debutojë në kinema në dhjetor të këtij viti, është i ndryshëm nga origjinali.
“Unë mendoj se është shumë emocionues, më shumë se filmi i parë. Mendoj se fokusohet më shumë në karakterin dhe dinamikën e marrëdhënieve, sesa filmi i parë, por padyshim që jep spektakël”, tha James për vazhdimin e filmit të Avatar.
Sipas tij lansimi i këtij filmi tani është më në kohë se kurrë, duke pasur parasysh vështirësitë e kinemave gjatë dy viteve të pandemisë.
“Një gjeneratë e tërë ka mundur ta shohë “Avatar” vetëm në transmetim, kështu që ishte një perspektivë emocionuese për t’i kthyer njerëzit në kinema”.
“Avatar” është filmi me fitimin më të madh të të gjitha kohërave, duke arritur në më shume se 2.8 miliardë dollarë. Njohësit e industrisë së argëtimit po shikojnë nga afër për të parë nëse vazhdimi i Cameron-it mund t’i tërheqë njerëzit përsëri në kinema”, tha Cameron.
Filmi i ri është frymëzuar nga magjepsja e regjisorit me jetën e oqeanit.
“I dua oqeanet”, tha ai. “Unë kam qenë i apasionuar pas oqeanit edhe para se ta shihja një oqean. Mësova të zhytesha në scuba në zonat rurale të Kanadasë”.
Aktorët në “ Avatar. The Way of Water” duhej të përshtateshin me aktrimin nën ujë dhe ai tha se pas stërvitjes, yjet Kate Winslet dhe Sigourney Weaver ishin në gjendje të mbanin frymën deri në gjashtë apo shtatë minuta.
“Avatar” ishte një bishë unike në kohën e vet, sepse u nis për të krijuar një botë duke jetuar ju brenda asaj bote,” tha ai. “Ne kurrë nuk u tërhoqëm ..”
Përgatiti:
