Majin e nisëm me një ndjenjë të freskët dhe me energji të re, siç na sjell gjithmonë ky muaj i bukur pranveror. Ky është një moment i shkëlqyer për të hedhur sytë rreth e për të vërejtur se, përtej shqetësimeve të përditshme, ndodhin edhe gjëra të mrekullueshme – shumë prej tyre shumë pranë nesh. Këtë javë, majin e nisëm me lajme që na kujtojnë se përmirësimi vjen nga veprime të vogla, por me ndikim të madh.
Si çdo javë, edhe këtë fillim muaji po ndajmë të mirat e përbashkëta – ngjarjet e kësaj jave që na japin shpresë.
Majin e nisim me një frymë të re – jo vetëm për shkak të gjelbërimit dhe ajrit të freskët që e sjell pranvera, por edhe për shkak të veprimeve konkrete që po ndodhin në Kosovë, e që meritojnë të ndahen.
Si çdo të shtune, edhe këtë javë kemi mbledhur pesë lajme pozitive që na kujtojnë se përmirësimi i shoqërisë fillon me angazhim të vërtetë dhe pasion për ndryshimin. Nga hapja e Ambasadës së Kosovës në Malajzi, tek iniciativa për kafshët endacake në Mitrovicë, mbështetja për shëndetin në Deçan, dhe magjia e jazz-it me Elina Duni-n dhe Rob Luft-in në Mitrovicë – këto janë disa momente që na ftojnë të ndalemi, t’i vlerësojmë dhe t’i festojmë së bashku.
Le t’i zbulojmë së bashku 5 më të mirat e kësaj jave:
Lajmi më i mirë që ka qëndru në kutinë tonë këtë javë:
Kosova hapi ambasadën në Kuala Lumpur!
Një tjetër kapitull i rëndësishëm për kosovën në skenën ndërkombëtare: këtë javë është hapur zyrtarisht Ambasada e Kosovës në Kuala Lumpur, kryeqytetin e Malajzisë.
Presidentja Vjosa Osmani njoftoi lajmin përmes një postimi në rrjetet sociale, duke e cilësuar këtë veprim si “një dritare e re për vendin tonë, me plot mundësi për bashkëpunim edhe më të thellë me Malajzinë”.
“Një prani edhe më të fuqishme diplomatike në një nga rajonet më strategjike në Azi,” shkroi Osmani, duke theksuar rëndësinë që ky zhvillim ka për forcimin e aleancave ndërkombëtare të Kosovës dhe avancimin e interesave të qytetarëve të saj.
Ajo e përmendi ambasadën si një “shtëpi më shumë e Kosovës”, ku do të mbrohet me vendosmëri “shenjtëria e sakrificës së popullit të Kosovës për liri e shtet”.
Malajzia, si një nga vendet e para që njohu pavarësinë e Kosovës, mbetet një aleate e rëndësishme – dhe kjo ambasadë do të forcojë edhe më shumë lidhjet miqësore mes dy vendeve.
Për më shumë rreth këtij suksesi, mund të lexoni artikullin e plotë n’katror.
Një mik i mirë i Kosovës : Japonia mbështet shëndetësinë në Deçan!
Grant prej mbi 40 mijë eurosh për pajisje moderne në QKMF
Ambasada e Japonisë në Kosovë e ka dëshmuar sërish se solidariteti nuk njeh kufij. Këtë herë, ajo ka dhënë një grant prej mbi 40 mijë eurosh për Qendrën Kryesore të Mjekësisë Familjare në Deçan, e cila do të pajiset me një aparat të ri të ultrazërit.
Ky investim do të ndihmojë jo vetëm stafin mjekësor, por edhe mbi 14 mijë qytetarë që mbështeten në këtë qendër për shërbime të përditshme shëndetësore.
Në një kohë kur kujdesi shëndetësor cilësor është më i rëndësishëm se kurrë, një kontribut i tillë është shumë më tepër se pajisje – është një mesazh: se jemi bashkë në përkujdesje dhe shpresë.
Shfleto historinë e plotë këtu!
Mitrovica ndërmerr hapa konkretë për trajtimin e qenve endacakë – 400 mijë euro të dedikuara për kujdes dhe siguri!
Një lajm i rëndësishëm për mirëqenien e kafshëve dhe sigurinë publike vjen nga Mitrovica: Komuna ka ndarë një fond prej 400 mijë euro për trajtimin e qenve endacakë, në një projekt që do të zgjasë tre vjet. Sipas komunës, përmes një procesi të tenderimit, do të përzgjidhet një operator ekonomik me strehimore të licencuar nga Agjencia e Ushqimit dhe Veterinarisë, i cili do të zbatojë të gjitha procedurat e parapara me udhëzimin administrativ të vitit 2023 për trajtimin e qenve.
Kryetari Bedri Hamza e cilësoi këtë çështje si urgjente dhe thelbësore për qytetin, por edhe për gjithë vendin. Ai theksoi se një zgjidhje e qëndrueshme do të kërkonte përkushtim të ngjashëm nga të gjitha komunat e Kosovës.
Ky angazhim i komunës vjen pas kërkesave të vazhdueshme të qytetarëve dhe diskutimeve të ngritura edhe në Kuvendin Komunal, ku trajtimi i qenve endacakë u kërkua si prioritet i agjendës publike.
Një veprim që premton përmirësim të jetës për të gjithë – si për banorët, ashtu edhe për kafshët që deri më tani janë ndjerë të padukshme!
Kutia jonë e lajmeve të mira e ka këtë histori – mos e le pa lexu:)!
Jazz në Mitrovicë? Po, dhe ishte magjike!
Në një mbrëmje të mbushur me ndjenja, tinguj dhe poezi, Mitrovica u bë epiqendër e jazz-it botëror. Elina Duni, zëri që bart historinë, mallin dhe shpirtin e këngës shqiptare, dhe Rob Luft, një kitarist me ndjeshmëri të jashtëzakonshme, hapën Festivalin “Mitrovica International Jazz Days” me një performancë që do të mbetet gjatë në kujtesën e publikut.
Në sallën e mbushur në Qendrën Kulturore “Rexhep Mitrovica”, dyshja solli këngë nga albumet “Lost Ships” dhe “A Time to Remember”, duke ndërthurur trashëgiminë ballkanike me thellësinë e jazz-it evropian. Prania e tyre shënoi jo vetëm hapjen e festivalit, por edhe fundin e muajit të vlerësimit të jazz-it (Jazz Appreciation Month), siç njihet globalisht nga UNESCO.
“Dy zogj, një skenë, në Mitrovicë, me tingull shqip, që sa noton aq edhe fluturon!”, shkroi Kryeministri në detyrë, Albin Kurti, i cili ishte i pranishëm në koncert, bashkë me ministra të tjerë.
Por muzika nuk ndalet këtu. Më 30 prill, në Ditën Ndërkombëtare të Jazz-it, Prishtina mirëpriti një tjetër legjendë të skenës botërore – Aziza Mustafa Zadeh nga Azerbajxhani. E njohur si Princesha e Jazz-it, Aziza solli në amfiteatrin e Universitetit të Prishtinës një koncert që bashkon Lindjen dhe Perëndimin në një gjuhë të vetme muzikore.
Kjo javë në Kosovë na kujtoi fuqinë e muzikës për të ndërtuar ura, për të na prekur thellë dhe për të na bashkuar përtej dallimeve. Në Mitrovicë e Prishtinë, jazz-i gjeti shtëpinë e vet – me zëra që nuk harrohen lehtë.
Hap rrëfimin e plotë këtu!
Këtë javë, Katrori i ka gjetë 3 vende që janë krejt çka t’duhet për me mësu e me punu – veç merre laptopin!
Nëse je student, freelancer, punëtor remote apo thjesht dikush që po kërkon një ambient ndryshe nga shtëpia e biblioteka për të qenë produktiv – lajmi i mirë është që Prishtina po e rrit gjithnjë e më shumë ofertën e hapësirave që frymëzojnë punë kreative. Këtë javë i kemi gjetë tri kafene që jo vetëm të japin kafe të mirë, por edhe një ndjesi rehatie, motivimi dhe përqendrimi.
Lavjerrs’S – Qetësi në zemër të qytetit
Kjo kafene është një oaz për ata që duan të ulen e të punojnë pa zhurmë, me një stil minimalist dhe ndriçim natyral që të relakson. Mobilimi është i menduar për t’u ndier si në një studio kreative, e Wi-Fi është i qëndrueshëm – faktor kyç për çdo ditë produktive. Aty gjen gjithmonë dikë që po kodon, shkruan një ese apo zhvillon një ide të re.
NewBorn Brew – Për ata që duan kafe, energji dhe frymëzim, edhe pak nga kultura amerikane!
Ngjitur me simbolin e famshëm të Prishtinës, kjo kafene është kthyer në një ndër zgjedhjet më të shpeshta të studentëve dhe të rinjve që punojnë online. Ambienti është i ndarë në zona – ku mund të zgjedhësh të punosh i qetë në këndin e leximit, apo të zhvillosh një takim me kolegë në hapësirat më të hapura. Muzika është e lehtë, ndërsa kafeja – ndër më të mirat në qytet. Shtoji kësaj edhe disa ëmbëlsira që i japin energji orëve të gjata të punës.
EspressO Lab – Kur puna takohet me stilin urban!
Me dritare të mëdha, tavolina të bollshme dhe shumë ndriçim natyral, kjo kafene është ideale për ata që punojnë gjatë gjithë ditës. Hapësira është e freskët, me dizajn bashkëkohor dhe staf mikpritës që të bën me u ndje si në shtëpi. Këtu do të gjesh gjithmonë të tjerë si ty – me laptop në dorë dhe një espresso afër – duke e kthyer punën në një ritual të këndshëm.
Pse këto vende funksionojnë kaq mirë për punë dhe mësim?
Sipas hulumtimeve, ambienti ndikon drejtpërdrejt në motivim, fokus dhe performancë. Kafene si këto kanë kuptuar rëndësinë e ndriçimit të ngrohtë, tavolinave të rehatshme, muzikës që nuk shpërqendron dhe pranisë së njerëzve të tjerë që të frymëzojnë për të qëndruar aktiv.
Për shumë të rinj, kafenetë janë bërë si zyret e reja. Janë hapësira ku mund të lexosh për provim, të redaktosh një artikull, të zhvillosh një projekt personal apo thjesht të gjesh pak paqe larg kaosit të përditshëm.
Këshillë e javës nga redaksia: Merr laptopin, karikuesin dhe ndonjë libër që s’po e lexon dot në shtëpi. Zgjidh njërën nga këto tri kafene dhe provo të punosh aty për disa orë. Mund të zbulosh që produktiviteti nuk është çështje kohe – por ambienti!
Për të mos mbetur me gjysmë, vazhdo leximin këtu!
Këto pesë lajme na kujtojnë se çdo ditë sjell mundësi për të bërë një hap përpara. Shpresojmë që këto histori t’ju frymëzojnë të veproni, të përkrahni ndryshimin dhe të festoni progresin që bëhet çdo ditë në Kosovë. Mos harroni, çdo veprim i vogël ka rëndësi. Ju faleminderit që jeni pjesë e “5 Good News” dhe na ndihmoni ta shpërndajmë mesazhin e shpresës dhe mundësive të reja!
Niseni majin me këtë dozë pozitiviteti – dhe ndajeni me dikë që ka nevojë për një fillim të mirë. /Katror.info
Contents
Majin e nisëm me një ndjenjë të freskët dhe me energji të re, siç na sjell gjithmonë ky muaj i bukur pranveror. Ky është një moment i shkëlqyer për të hedhur sytë rreth e për të vërejtur se, përtej shqetësimeve të përditshme, ndodhin edhe gjëra të mrekullueshme – shumë prej tyre shumë pranë nesh. Këtë javë, majin e nisëm me lajme që na kujtojnë se përmirësimi vjen nga veprime të vogla, por me ndikim të madh.Si çdo javë, edhe këtë fillim muaji po ndajmë të mirat e përbashkëta – ngjarjet e kësaj jave që na japin shpresë.Majin e nisim me një frymë të re – jo vetëm për shkak të gjelbërimit dhe ajrit të freskët që e sjell pranvera, por edhe për shkak të veprimeve konkrete që po ndodhin në Kosovë, e që meritojnë të ndahen.Si çdo të shtune, edhe këtë javë kemi mbledhur pesë lajme pozitive që na kujtojnë se përmirësimi i shoqërisë fillon me angazhim të vërtetë dhe pasion për ndryshimin. Nga hapja e Ambasadës së Kosovës në Malajzi, tek iniciativa për kafshët endacake në Mitrovicë, mbështetja për shëndetin në Deçan, dhe magjia e jazz-it me Elina Duni-n dhe Rob Luft-in në Mitrovicë – këto janë disa momente që na ftojnë të ndalemi, t’i vlerësojmë dhe t’i festojmë së bashku.Le t’i zbulojmë së bashku 5 më të mirat e kësaj jave:Lajmi më i mirë që ka qëndru në kutinë tonë këtë javë:Kosova hapi ambasadën në Kuala Lumpur!Një tjetër kapitull i rëndësishëm për kosovën në skenën ndërkombëtare: këtë javë është hapur zyrtarisht Ambasada e Kosovës në Kuala Lumpur, kryeqytetin e Malajzisë.Presidentja Vjosa Osmani njoftoi lajmin përmes një postimi në rrjetet sociale, duke e cilësuar këtë veprim si “një dritare e re për vendin tonë, me plot mundësi për bashkëpunim edhe më të thellë me Malajzinë”.“Një prani edhe më të fuqishme diplomatike në një nga rajonet më strategjike në Azi,” shkroi Osmani, duke theksuar rëndësinë që ky zhvillim ka për forcimin e aleancave ndërkombëtare të Kosovës dhe avancimin e interesave të qytetarëve të saj.Ajo e përmendi ambasadën si një “shtëpi më shumë e Kosovës”, ku do të mbrohet me vendosmëri “shenjtëria e sakrificës së popullit të Kosovës për liri e shtet”.Malajzia, si një nga vendet e para që njohu pavarësinë e Kosovës, mbetet një aleate e rëndësishme – dhe kjo ambasadë do të forcojë edhe më shumë lidhjet miqësore mes dy vendeve.Për më shumë rreth këtij suksesi, mund të lexoni artikullin e plotë n’katror.Një mik i mirë i Kosovës : Japonia mbështet shëndetësinë në Deçan!Grant prej mbi 40 mijë eurosh për pajisje moderne në QKMFAmbasada e Japonisë në Kosovë e ka dëshmuar sërish se solidariteti nuk njeh kufij. Këtë herë, ajo ka dhënë një grant prej mbi 40 mijë eurosh për Qendrën Kryesore të Mjekësisë Familjare në Deçan, e cila do të pajiset me një aparat të ri të ultrazërit.Ky investim do të ndihmojë jo vetëm stafin mjekësor, por edhe mbi 14 mijë qytetarë që mbështeten në këtë qendër për shërbime të përditshme shëndetësore.Në një kohë kur kujdesi shëndetësor cilësor është më i rëndësishëm se kurrë, një kontribut i tillë është shumë më tepër se pajisje – është një mesazh: se jemi bashkë në përkujdesje dhe shpresë.Shfleto historinë e plotë këtu!Mitrovica ndërmerr hapa konkretë për trajtimin e qenve endacakë – 400 mijë euro të dedikuara për kujdes dhe siguri!Një lajm i rëndësishëm për mirëqenien e kafshëve dhe sigurinë publike vjen nga Mitrovica: Komuna ka ndarë një fond prej 400 mijë euro për trajtimin e qenve endacakë, në një projekt që do të zgjasë tre vjet. Sipas komunës, përmes një procesi të tenderimit, do të përzgjidhet një operator ekonomik me strehimore të licencuar nga Agjencia e Ushqimit dhe Veterinarisë, i cili do të zbatojë të gjitha procedurat e parapara me udhëzimin administrativ të vitit 2023 për trajtimin e qenve.Kryetari Bedri Hamza e cilësoi këtë çështje si urgjente dhe thelbësore për qytetin, por edhe për gjithë vendin. Ai theksoi se një zgjidhje e qëndrueshme do të kërkonte përkushtim të ngjashëm nga të gjitha komunat e Kosovës.Ky angazhim i komunës vjen pas kërkesave të vazhdueshme të qytetarëve dhe diskutimeve të ngritura edhe në Kuvendin Komunal, ku trajtimi i qenve endacakë u kërkua si prioritet i agjendës publike.Një veprim që premton përmirësim të jetës për të gjithë – si për banorët, ashtu edhe për kafshët që deri më tani janë ndjerë të padukshme!Kutia jonë e lajmeve të mira e ka këtë histori – mos e le pa lexu:)!Jazz në Mitrovicë? Po, dhe ishte magjike!Në një mbrëmje të mbushur me ndjenja, tinguj dhe poezi, Mitrovica u bë epiqendër e jazz-it botëror. Elina Duni, zëri që bart historinë, mallin dhe shpirtin e këngës shqiptare, dhe Rob Luft, një kitarist me ndjeshmëri të jashtëzakonshme, hapën Festivalin “Mitrovica International Jazz Days” me një performancë që do të mbetet gjatë në kujtesën e publikut.Në sallën e mbushur në Qendrën Kulturore “Rexhep Mitrovica”, dyshja solli këngë nga albumet “Lost Ships” dhe “A Time to Remember”, duke ndërthurur trashëgiminë ballkanike me thellësinë e jazz-it evropian. Prania e tyre shënoi jo vetëm hapjen e festivalit, por edhe fundin e muajit të vlerësimit të jazz-it (Jazz Appreciation Month), siç njihet globalisht nga UNESCO.“Dy zogj, një skenë, në Mitrovicë, me tingull shqip, që sa noton aq edhe fluturon!”, shkroi Kryeministri në detyrë, Albin Kurti, i cili ishte i pranishëm në koncert, bashkë me ministra të tjerë.Por muzika nuk ndalet këtu. Më 30 prill, në Ditën Ndërkombëtare të Jazz-it, Prishtina mirëpriti një tjetër legjendë të skenës botërore – Aziza Mustafa Zadeh nga Azerbajxhani. E njohur si Princesha e Jazz-it, Aziza solli në amfiteatrin e Universitetit të Prishtinës një koncert që bashkon Lindjen dhe Perëndimin në një gjuhë të vetme muzikore.Kjo javë në Kosovë na kujtoi fuqinë e muzikës për të ndërtuar ura, për të na prekur thellë dhe për të na bashkuar përtej dallimeve. Në Mitrovicë e Prishtinë, jazz-i gjeti shtëpinë e vet – me zëra që nuk harrohen lehtë.Hap rrëfimin e plotë këtu!Këtë javë, Katrori i ka gjetë 3 vende që janë krejt çka t’duhet për me mësu e me punu – veç merre laptopin!Nëse je student, freelancer, punëtor remote apo thjesht dikush që po kërkon një ambient ndryshe nga shtëpia e biblioteka për të qenë produktiv – lajmi i mirë është që Prishtina po e rrit gjithnjë e më shumë ofertën e hapësirave që frymëzojnë punë kreative. Këtë javë i kemi gjetë tri kafene që jo vetëm të japin kafe të mirë, por edhe një ndjesi rehatie, motivimi dhe përqendrimi.Lavjerrs’S – Qetësi në zemër të qytetitKjo kafene është një oaz për ata që duan të ulen e të punojnë pa zhurmë, me një stil minimalist dhe ndriçim natyral që të relakson. Mobilimi është i menduar për t’u ndier si në një studio kreative, e Wi-Fi është i qëndrueshëm – faktor kyç për çdo ditë produktive. Aty gjen gjithmonë dikë që po kodon, shkruan një ese apo zhvillon një ide të re.NewBorn Brew – Për ata që duan kafe, energji dhe frymëzim, edhe pak nga kultura amerikane!Ngjitur me simbolin e famshëm të Prishtinës, kjo kafene është kthyer në një ndër zgjedhjet më të shpeshta të studentëve dhe të rinjve që punojnë online. Ambienti është i ndarë në zona – ku mund të zgjedhësh të punosh i qetë në këndin e leximit, apo të zhvillosh një takim me kolegë në hapësirat më të hapura. Muzika është e lehtë, ndërsa kafeja – ndër më të mirat në qytet. Shtoji kësaj edhe disa ëmbëlsira që i japin energji orëve të gjata të punës.EspressO Lab – Kur puna takohet me stilin urban!Me dritare të mëdha, tavolina të bollshme dhe shumë ndriçim natyral, kjo kafene është ideale për ata që punojnë gjatë gjithë ditës. Hapësira është e freskët, me dizajn bashkëkohor dhe staf mikpritës që të bën me u ndje si në shtëpi. Këtu do të gjesh gjithmonë të tjerë si ty – me laptop në dorë dhe një espresso afër – duke e kthyer punën në një ritual të këndshëm.Pse këto vende funksionojnë kaq mirë për punë dhe mësim?Sipas hulumtimeve, ambienti ndikon drejtpërdrejt në motivim, fokus dhe performancë. Kafene si këto kanë kuptuar rëndësinë e ndriçimit të ngrohtë, tavolinave të rehatshme, muzikës që nuk shpërqendron dhe pranisë së njerëzve të tjerë që të frymëzojnë për të qëndruar aktiv.Për shumë të rinj, kafenetë janë bërë si zyret e reja. Janë hapësira ku mund të lexosh për provim, të redaktosh një artikull, të zhvillosh një projekt personal apo thjesht të gjesh pak paqe larg kaosit të përditshëm.Këshillë e javës nga redaksia: Merr laptopin, karikuesin dhe ndonjë libër që s’po e lexon dot në shtëpi. Zgjidh njërën nga këto tri kafene dhe provo të punosh aty për disa orë. Mund të zbulosh që produktiviteti nuk është çështje kohe – por ambienti!Për të mos mbetur me gjysmë, vazhdo leximin këtu!Këto pesë lajme na kujtojnë se çdo ditë sjell mundësi për të bërë një hap përpara. Shpresojmë që këto histori t’ju frymëzojnë të veproni, të përkrahni ndryshimin dhe të festoni progresin që bëhet çdo ditë në Kosovë. Mos harroni, çdo veprim i vogël ka rëndësi. Ju faleminderit që jeni pjesë e “5 Good News” dhe na ndihmoni ta shpërndajmë mesazhin e shpresës dhe mundësive të reja!Niseni majin me këtë dozë pozitiviteti – dhe ndajeni me dikë që ka nevojë për një fillim të mirë. /Katror.info
Përgatiti:
