Legjenda e muzikës rock, Joe Satriani, ka shprehur emocionin dhe mirënjohjen e tij për një mural të realizuar në nder të tij në Mitrovicën e Veriut.
Gitaristi i famshëm ka postuar në rrjetet sociale se ndihet “i nderuar dhe i emocionuar” nga kjo vepër arti, duke falënderuar autorët e saj.
“WOW! Jam shumë i nderuar dhe i emocionuar nga kjo vepër e mrekullueshme arti! Shumë dashuri dhe falënderime të sinqerta për artistët e Futja Ngjyrë, Dea Gaxha, Bardhyl Dobroshi dhe Albion Mehmedi, për krijimin e këtij murali mahnitës në Mitrovicën e Veriut, Kosovë. Do të doja të isha aty për ta parë nga afër dhe t’ju jepja të gjithëve një përqafim të madh. Faleminderit!”, ka shkruar Satriani.
Mundesh me e lexu edhe…
Joe Satriani është një nga gitaristët më të njohur në botë, me albume të paharrueshme si Surfing with the Alien, Flying in a Blue Dream dhe The Extremist, të cilat e bënë një emër ndërkombëtar. Përveç karrierës së tij solo, ai ka qenë edhe mësues i disa prej kitaristëve më të mëdhenj të rock-ut, si Steve Vai dhe Kirk Hammett i Metallica.
Me dhjetëra nominime për çmimet Grammy, Satriani vazhdon të konsiderohet si një nga figurat më të mëdha në historinë e kitarës rock instrumentale./Katror.info
