John Krasinski ka konfirmuar rikthimin e tij si skenarist, regjisor dhe producent për pjesën e tretë të sagës së suksesshme horror A Quiet Place. Përmes një postimi në rrjetet sociale të premten, ai bëri të ditur se A Quiet Place Part III do të shfaqet në kinema më 9 korrik 2027.
Detajet lidhur me kastin apo rrjedhën e ngjarjeve në këtë kapitull të ri nuk janë zbuluar ende. Krasinski ka qenë figura kyçe pas suksesit të dy filmave të parë – jo vetëm si regjisor dhe skenarist, por edhe si aktor, përkrah bashkëshortes së tij në jetën reale, Emily Blunt, si dhe aktorëve Noah Jupe dhe Millicent Simmonds.
Saga horror ndjek jetët e mbijetuesve në një botë post-apokaliptike, ku krijesa të verbëra por jashtëzakonisht të ndjeshme ndaj zhurmës përbëjnë rrezikun kryesor.
Mundesh me e lexu edhe…
Në vitin 2024, publiku u njoh me filmin prequel A Quiet Place: Day One, me regji nga Michael Sarnoski dhe me aktoren Lupita Nyong’o në rolin kryesor, duke zgjeruar më tej universin e frikshëm të serisë./Katror.info
