Ata që janë pak më të moshuar e mbajnë mend mirë serialin Beverly Hills 90210, i cili ishte tejet i popullarizuar në vitet ’90-ta. Një nga yjet e serialit ishte Jason Priestley, aktori që mishëroi karakterin e Brandon dhe u bë një obsesion i heshtur i vajzave adoleshente në mbarë botën.
Aktori kanadez luajti në serialin hit për 10 vjet dhe vazhdoi aktrimin pas përfundimit të tij në vitin 2010, por ai kurrë nuk arriti të tejkalojë suksesin që arriti në serial, shkruan Katror.info.
Priestley feston sot 54-vjetorin e lindjes dhe shumë adhurues kanë vënë re se ai nuk ka ndryshuar shumë. Gjatë karrierës, aktori fitoi dy nominime për Golden Globe për rolin e Brandon, dhe ai gjithashtu u sprovua edhe si regjisor në serial dhe është autor i 15 episodeve.
Mundesh me e lexu edhe…
Në vitet ’90-ta, Priestley tërhoqi vëmendjen e publikut me jetën e tij private të trazuar. Në vitin 1998, ai përplasi Porsche-n e tij në një shtyllë telefonike në Hollywood dhe u arrestua për drejtimin e makinës në gjendje të dehur. Katër vjet më vonë, gjatë një gare, ai përplasi makinën e tij në një mur dhe pësoi lëndime të rënda fizike, nga të cilat më vonë u shërua plotësisht.
Ai është i martuar me grimeren Naomi Lowde-Priestley që nga viti 2005 dhe së bashku kanë një vajzë 16-vjeçare, Ava dhe një djalë 14-vjeçar, Dashiell./Katror.info
Përgatiti:
