Katror Media and Publicity dhe OJQ SHE Solutions nënshkruan sot një marrëveshje bashkëpunimi për promovimin e aktiviteteve të SHE Solutions, që kanë në fokus barazinë gjinore si dhe promovimin e grave dhe vajzave të suksesshme përmes projektit “Gratë në Siguri”.
Ky bashkëpunim vjen në kohën kur edhe Katror Media and Publicity, edhe SHE Solutions në misionet që kanë po punojnë fort në avancimin e të drejtave të njeriut dhe të barazisë gjinore.
Drejtoresha e OJQ SHE Solutions Antigona Baxhaku e vlerësoi këtë mënyrë të bashkëpunimit me qëllim të arritjes së rezultateve konkrete në qëllimet e organizatës.
Mundesh me e lexu edhe...
Bashkëpunimi me Katror Media and Publicity është një mundësi e shkëlqyeshme për promovimin e punës së She Solutions e përmes saj edhe avokimin për barazi gjinore e të drejta të barabarta për gratë dhe burrat ne Kosovë.
Antigona Baxhaku, drejtore e SHE Solutions
Ndërsa Muhamet Jashanica, Drejtor ekzekutiv i Katror Media and Publicity e quajti kënaqësi bashkëpunimin me OJQ SHE Solutions dhe Antigona Baxhakun që është ndër emrat më të rëndësishëm të gazetarisë në Kosovë.
Jam shumë i kënaqur që Katror Media and Publicity dhe SHE Solutions nënshkruan marrëveshje për promovimin e aktiviteteve të kësaj organizate për punën e së cilës ne si Katror gëzojmë respekt të veçantë. Marrëveshja përfshinë promovimin dhe shërbimet e marketingut digjital për projektin “Grate në siguri”. Bashkë me zonjën Antigona Baxhaku, që është ndër figurat më të rëndësishme të mediave në vend do të bëjmë punë shumë të mira në promovimin e barazisë gjinore.
Muhamet Jashanica, drejtor ekzekutiv i Katror Media and Publicity
Të dy palët u dakorduan për mundësinë e bashkëpunimit afatgjatë duke potencuar se ky është vetëm fillimi në punët e përbashkëta që kanë në fokus barazinë gjinore./Katror.info
Përgatiti:
