Kek me limon; keku t’cilit kërkush s’i reziston

Kushdo që asht merakli i kafes e çajit e din që këto t’dyja ma s’miri shkojnë kur i shoqnon me diçka t’ambël e t’lehtë n’shije. Keksat e kekët e ndryshëm patjetër që zajnë vend t’veçantë n’tavolinën e shtume me çaj a kafe, veçanarisht kur presim mysafir.

Keku me limon asht nji prej ma klasikëve kur dojmë me i shoqnu pijet e nxehta me diçka, edhe nëse përgatitet qysh duhet nuk dështon me i pëlqy kujtdo që e provon. Po për me t’dal keku super i shijshëm jemi siguru që me t’pajisë me video ilustruse. Mjafton me i ndjekë hapat siç t’i kemi renditë.

PËRBËRËSIT:

250 gr miell
13 lugë gjelle sheqer
3 ve
200 gr gjalpë
1 pevicë (pluhur për pjekje)
1 lugë çaji sodë buke
1 gotë qumësht
Lëvore e grirë e 2 limonave

HAPI 1:

Para se me fillu përgatitjen e kekut, nxeje furrën n’150 C. Pastaj lyje kallëpin për kek me gjalpë n’t’gjitha anët.

HAPI 2:

Griji imët lëvoren e 2 limonëve në nji enë t’thellë. Shto 1 filxhan gjalpin (temperaturë dhome) dhe sheqerin.

HAPI 3:

Përzije gjalpin, sheqerin e thërrmijat e limonit me mikser.

HAPI 4:

Shto vezët dhe vazhdo me e përzi masën deri sa t’bahet e njitrajtshme.

HAPI 5:

N’nji enë tjetër bashko miellin, pluhunin për pjekje dhe sodën e bukës. Përziji mirë mes vehte.

HAPI 6:

Pak e ngapak shto gjysmën e masës me miell n’masën me gjalpë e ve. Përzije vazhdimisht masën deri sa masa t’jetë plotësisht e njitrajtshme.

HAPI 7:

Shto qumështin dhe vazhdo me përzi masën me mikser, mandej shto pjesën e mbetun t’miellit. Përzije masën miirë dhe sigurohu që t’mos ketë copëza mielli, por t’jetë masa e njitrajtshme.

HAPI 8:

Paraprakisht vendos letër gatimi n’tepsi e mandej shtrije masën e kekut mirë n’tepsi. Shtine kekun me u pjekë n’furrë për 40 deri n’50 minuta n’150 C.

HAPI 9:

Leje kekun me u ftohë mirë. Me thikë gërrvishi qoshet e kallëpit n’mënyrë që keku me dal ma lehtë prej kallëpit.

HAPI 10:

Dekoro me copëza limoni kekun nëse ke dëshirë. Preje n’rriska e servoji n’pjatat që dëshiron. Mundesh pak krem djathë me përzi me sheqer pluhun e lang limoni e me vendosë sipër kekut, por nuk e ke t’domosdoshme.

Mos harro me qit’ çajin a kafen n’tryezë edhe disponimin me e mbajtë n’nivel me mysafirët. Shijo!

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/