Mbrojtësi i Paris Saint Germain Achraf Hakimi gjatë konferencës për shtyp me trajnerin Luis Enrique pak orë para përballjes me katalanasit në kuadër të Champions League, u shpreh se në Barcelonë presin vetëm fitore.
Ai tha mes të tjerash, se sulmuesi kryesor i skuadrës, Kylian Mbappe është tepër i motivuar për këtë përballje.
“Kemi ardhur me shumë dëshirë, dëshirë për të ndryshuar atë që ndodhi në ndeshjen e parë. Ne kemi ardhur për të fituar. Në këtë sfidë do të duhet të japim gjithçka për të marrë fitoren. Ndjej se Mbappe është shumë i motivuar, si gjithë ekipi, është koha për të treguar se jemi gati dhe për të ndryshuar rezultatin e ndeshjes së parë”, u shpreh mbrojtësi anësor.
Sot (e martë) do të zhvillohen dy ndeshje kthyese të fazës çerekfinale të Ligës së Kampionëve.
Liga e Kampionëve do të mësojë sot dy gjysmëfinalistët e parë, pasi do të zhvillohen ndeshjet kthyese të dy takimeve. Në ndeshjen e parë, Barcelona është nikoqire e Paris Saint-Germain në “Estadi Olimpic Lluis Companys”. Katalunasit do të kërkojnë kualifikimin pas fitores 3-2 në ndeshjen e parë të luajtur në Paris.
Në ndeshjen tjetër, Borussia Dortmundi e pret Atletico Madridin në stadiumin “Signal Iduna Park”. Ndeshja e parë në Spanjë ka përfunduar me fitoren e Atleticos 2-1 dhe gjithçka është e hapur për këtë ndeshje. Të dy takimet pritet të fillojnë nga ora 21:00. /Katror.info
Përgatiti:
