Një kërkesë që erdhi nga banorët e fshatit Bardh i Madh të Fushë Kosovës duket se mori kuptim pasi që orari i shërbimeve në shtëpinë e shëndetit është zgjatur dhe shërbimet mjeksore do të jenë më afër qytetarëve. Deri tash kjo shtëpi shëndeti punonte deri në orën 13, ndërsa kërkesën e banorëve e mori parasysh Komuna e Fushë Kosovës dhe tani orari është zgjatur deri në orën 19:00.
Zgjatja e orarit thuhet se do të ndihmojë në shmangien e radhëve të shumta dhe do të sigurojë shërbime më të shpejta dhe më efikase për banorët rezident.
Në këtë qendër të mjekësisë familjare shërbime shëndetësore ofrojnë dy mjekë të përgjithshëm, një stomatolog dhe tri infermiere. Bardhi i Madh që gjendet 20 kilometra larg Prishtinës është ndër fshatrat më të mëdhenj në Kosovë, ndërsa për shërbimet mjekësore jashtë orarit paraprak deri tani qytetarët janë detyruar t’i drejtohen qendrave mjekësore në Fushë Kosovë apo edhe në Prishtinë./Katror.info
Mundesh me e lexu edhe…
Përgatiti:
