Në kuadër të Ditës Ndërkombëtare në Mbështetje të Viktimave të Torturës, u mbajt Konferenca Ndërkombëtare “Shëndeti Mendor në Institucionet e Ndëshkimit: Roli i Mekanizmave Kombëtarë për Parandalimin e Torturës në Mbrojtjen e të Drejtave dhe Sigurimin e Monitorimit Efektiv”, e organizuar nga Institucioni i Avokatit të Popullit, shkruan Katror.info.
Zëvendësshefi i Zyrës së Këshillit të Evropës në Prishtinë, Tankut Soykan, theksoi rëndësinë e trajtimit të personave me probleme të shëndetit mendor me kujdes dhe dinjitet. Ai foli gjithashtu për mbështetjen që Këshilli i Evropës i ka ofruar Mekanizmit Kombëtar për Parandalimin e Torturës në ngritjen e kapaciteteve të tij.
Soykan njoftoi edhe për projektet më të fundit që janë duke u zbatuar në bashkëpunim me institucionet vendore për forcimin e kapaciteteve të stafit shëndetësor dhe atij korrektues, me qëllim përmirësimin e trajtimit të të paraburgosurve dhe të dënuarve me probleme të shëndetit mendor.
Mundesh me e lexu edhe…
Konferenca synoi të rrisë vetëdijen publike dhe të autoriteteve përgjegjëse për standardet evropiane në trajtimin e personave me çrregullime të shëndetit mendor, duke nënvizuar ndjeshmërinë që kërkon kjo fushë dhe domosdoshmërinë për një trajtim të denjë dhe të respektueshëm ndaj të drejtave të njeriut./Katror.info
