Aplikacioni për blerje që përdoret nga më shumë se 200 milionë njerëz në botë, Lyst, ka publikuar një renditje të markave dhe produkteve më të njohura të modës në treg, dhe sipas renditjes së tyre për tremujorin e tretë të 2023, produkti më viral janë Balerinat Tabi të markës Maison Margiela.
Balerinat në stilin Mary Jane, që janë hit i këtij viti, kushtojnë 650 euro dhe ekspertët e modës i konsiderojnë prej kohësh një investim të shkëlqyer, por Lyst raportoi se kërkesa për këto këpucë u rrit me 342 për qind në shtator.
Gjegjësisht, këpucët sapo u bënë hit i plotë në TikTok në shtator, dhe kjo për shkak të një historie dashurie me një fund jo të lumtur.
Mundesh me e lexu edhe...
Në rast se e keni humbur këtë hit, bëhet fjalë për historinë virale “Tabi Swiper” që e çmendi plotësisht TikTok-un për disa ditë në fillim të shtatorit.
Përkatësisht, një djalë nga Nju Jorku e kaloi natën me një grua që takoi në Tinder, e më pas dyshohet se ia mori balerinat Tabi dhe më vonë ia ktheu. Ndërkohë, u shfaq edhe rrëfimi si ai i dha balerinat të dashurës së tij dhe gruaja tregoi gjithçka në TikTok dhe kështu mblodhi miliona shikime.
Sipas renditjes së Lyst, marka më e njohur globale është Miu Miu, ndërsa Loewe ra në vendin e dytë. Përveç këpucave të baletit të Margiela, në listën e produkteve “më të nxehta” tremujorin e kaluar përfshihej edhe modeli Nike x Martine Rose Shox MR4, këpucët Tory Burch me “piercing”, atletet New Balance 550 dhe ato Prada të dekoruara me një lule 3D. /Katror.info
Përgatiti:
