Anëtari i kryesisë së Kolegjit të Kirurgëve të Kosovës, Dr. Luan Jaha, njëherit edhe Kryesues i Komitetit Shkencor të Kongresit të IV-të Klinik, është pranuar si Anëtar i Kolegjit Amerikan të Kirurgëve (Fellow of American College of Surgeons, FACS), njoftoi Kolegji i Kirurgëve të Kosovës nëpërmjet rrjeteve sociale.
“Kjo njohje prestigjioze u bë gjatë ceremonisë solemne në Kongresin Klinik të Kolegjit Amerikan të Kirurgëve që po mbahet në San Francisko, SHBA.
Kjo arritje e Dr. Luan Jahës nxjerr në pah kontributin e jashtëzakonshëm të tij në fushën e kirurgjisë, përkushtimin në avancimin e praktikës dhe shkencës kirurgjikale, si dhe përpjekjet e tij të palodhshme për të promovuar standardet më të larta të kujdesit për pacientët në Kosovë”, thuhet në njoftim.
Mundesh me e lexu edhe…
Kjo arritje pasqyron jo vetëm punën personale të Dr. Jahës, por është edhe njohje globale e përparimit që po bëhet brenda komunitetit kirurgjik të Kosovës./Katror.info
Përgatiti:
