Klubi i Pingpongut Prishtina, meshkujt dhe femrat, kanë marrë pjesë me sukses në kampin zhvillimor të organizuar nga Klubi turk Beyolgu Spor Klubu, njoftojnë organizatorët.
Kampi është mbajtur nga data 31 tetor deri me 4 nentor, në qendrën sportive BSK, në Stamboll. Sipas organizatorëve, ky aktivitet është një hap shumë i rëndësishëm në rrugën e klubit drejte zhvillimit sportiv dhe është një mundësi e jashtëzakonshme për t’u përmirësuar dhe për t’u avancuar në sportin e pingpongut.
”Klubi ”Beyolgu Spor Klubu” është shpallur kampion i Superligës në Turqi për vitin 2023, ndërsa KPP Prishtina, ka shfrytëzuar bashkëpunimin me këtë klub që të përfitojë sa me shumë nga përvoja e tyre, pergatitjet e tyre dhe nga lojtarët kampionë të përgatiten sa më shume për ndeshjet e fundit që do të zhvillohen në Kosovë.
Mundesh me e lexu edhe…
Ekipi ynë i përbërë nga gjenerata të ndryshmë, por me fokus në gjeneratat e reja është krenar që ka pasur mundesi të ushtroj në në një mjedis të nivelit të lartë dhe të ndajë eksperiencat me klube të tjera të një kalibri të lartë. Kjo është një hapi drejt një zhvillimi të vazhdueshëm dhe rritjes së cilësisë së sportit të pingpongut në vendin tonë”, thuhet në njoftimin e KPP Prishtina.
Sipas komunikatës, ky aktivitet ka shërbyer që klubi kosovarë të mund të krijojë apo thellojë bashkëpunime në të ardhmën me atë turk.
“Gjatë kampit në Stamboll, lojëtarët e klubit i priti në takim Presidenti i Klubit Sportiv, Beyoglu z.Andrea Rombopolus, ku u shpreh i gatshëm për thellimin e bashkepunimit mes dy klubeve! Presidenti Rombopolus njoftoi nga afër për sukseset e klubit të pingpongut, volejbollit, futbollit dhe basketbollit, klube këto të udhëhequra nga ai. Gjatë takimit u bë edhe shkëmbimi i dhuratave modeste mes klubeve”, njoftojnë tutje organizatorët.
Ky kamp është mundësuar nga Ministria e Kulturës Rinisë dhe Sportit, përmes fondit të mobilitetit ku ka për qëllim avancimin e sportit vendor përmes pjesëmarrjes në gara e kampe ndërkombëtare.
Ndërkaq, KPP Prishtina të dielen do të zhvillojë ndeshjen e fundit kundër KPP Liria nga Prizreni në kuader të Superligës së Kosovës për vitin 2023. /Katror.info
Përgatiti:
