Në një hap të rëndësishëm përpara për fushën e informatikës kuantike, Google pretendohet se ka krijuar një kompjuter kuantik që mund të kryejë llogaritjet në pak sekonda, gjë që nuk do të ishte lajm nëse superkompjuterëve më të avancuar në botë nuk u nevojiten pothuajse gjysmë shekulli për të njëjtën gjë, pra 47 vjet!
Nëse kjo është një arritje e vërtetë, ajo mund të shënojë një pikë kthese në evolucionin e kësaj teknologjie. Informatika kuantike, shkenca që shfrytëzon gjërat e pazakonshme të fizikës kuantike, mbetet një fushë me zhvillim të shpejtë dhe disi e diskutueshme. Sepse, në pjesën më të madhe, ajo mbështetet në teori, ndërsa në praktikë shumë gjëra nuk funksionojnë as për së afërmi ashtu si duhet, shkruan Katror.info.
Kompjuterët kuantikë mbajnë premtime të mëdha për sektorë potencialisht revolucionarë si shkenca e klimës dhe zbulimi i ilaceve. Ata ofrojnë shpejtësi llogaritëse shumë më të mëdha se kompjuterët siç i njohim ne sot. Kjo është arsyeja pse ne duhet të shpresojmë se Google ka bërë vërtet një përparim.
Mundesh me e lexu edhe…
Sipas raportimeve, bisha e Google përbëhet nga një procesor kuantik Sycamore dhe aktualisht ka 70 kubit. Ky është një kërcim domethënës nga 53 kubitët e versionit të mëparshëm. Kjo e bën procesorin e ri afërsisht 241 milionë herë më të fortë se ai i mëparshmi.
Kompjuterët kuantikë janë të ndryshëm nga të tjerët. Sepse, me kompjuterët klasikë, ekzistojnë dy gjendje – 0 ose 1. Kompjuterët kuantikë mund ta bëjnë atë që të jenë në të dyja gjendjet në të njëjtën kohë, dhe kjo quhet “qubits”. Gjithashtu, me kompjuterët klasikë, të dhënat mund të enkriptohen në drejtimin “sipër” ose “poshtë”, dhe kompjuterët kuantikë mund ta bëjnë këtë në të gjitha drejtimet, gjë që përshpejton ndjeshëm proceset.
Megjithatë, kjo teknologji e avancuar nuk është pa të meta. Kompjuterët kuantikë paraqesin sfida të rëndësishme për sistemet moderne të enkriptimit, duke i vendosur ata lart në listën e çështjeve të sigurisë kombëtare.
Në të njëjtën kohë, kritikët argumentojnë se, pavarësisht nga kjo kthesë mbresëlënëse, këto makina kuantike ende duhet të demonstrojnë më shumë aftësi praktike jashtë kërkimit akademik./Katror.info
Përgatiti:
