Intelegjenca Artificiale tashmë ka shtrirë gjërësisht përdorimin e saj në pothuajse çdo fushë.
Sot, edhe Komuna e Prishtinës për herë të parë ka transkriptuar me inteligjencë artificiale ‘Shqip.ai”, seancën për buxhet në vetëm 12 minuta.
Kështu ka bërë të ditur nënkryetarja e Komunës së Prishtinës, Donjeta Sahatçiu.
Mundesh me e lexu edhe…
Përmes një shkrimi në llogarinë e saj në Facebook, ajo tha se ky është shembulli i parë konkret se si mund të përdoret fuqia e veglave me bazë inteligjencën artificiale në punën e institucionit publik.
“Me as më pak e as më shumë se me një vegël të krijuar në Prishtinë, produkt 100% shqip! Me super veglën Shqip.ai, për vetëm 12 minuta, u transkriptuan 150 minuta fjalime nga seanca e diskutimit dhe miratimit të buxhetit 2024 në Kuvendin Komunal në Kryeqyteti Prishtina, me saktësi mbi 94%. E jashtëzakonshme”, shkroi ajo.
Sahatçiu lavdëroi punën e ‘Shqip.ai” dhe ka ftuar të gjithë zyrtarët publik që të lexojnë dhe kuptojnë vlerën e këtyre veglave në rritjen e produktivitetit në komunë.
Kjo mundësi është në dispozicion që nga 28 prilli i këtij viti, kur kompania Quantix prezantoi softuerin që bazohet në Inteligjencë Artificiale, përmes së cilit gjuha shqipe mund të transkriptohet në mënyrë automatike nga përmbajtjet audio-vizuale në forma të tekstit të shkruar.
Transkripten mund ta gjeni KËTU./Katror.info
Përgatiti:
