Çdo mëngjes në malet e largëta të Uzbekistanit, fëmijët të moshës parashkollore ngjiten në autobusë shkollorë me ngjyrë të verdhë, të pajisur libra, lodra dhe mësues plotësisht të trajnuar. Ata do t’i kalojnë orët e ardhshme duke pikturuar, luajtur dhe kënduar.
Pesë vjet më parë, vetëm një në katër fëmijë në vend shkonte në parashkollor, ndërsa në zonat e largëta, vetëm një në dhjetë. Qeveria doli me një zgjidhje të re: një flotë autobusësh shkollorë, me dizajn special, për të dërguar arsimin për fëmijët nga tre deri në shtatë vjeç në rajonet më të largëta të vendit.
Që nga fillimi i programit në vitin 2017, regjistrimi në kopshtet parashkollore është rritur nga 27 për qind në 67 për qind dhe synohet që shifra të ngrihet në 80 për qind deri në vitin 2026.
Mundesh me e lexu edhe...
Flota e autobusëve udhëton nëpër male, duke ndaluar çdo ditë nëpër fshatra të ndryshme, duke ofruar tre orë mësim të bazuar në lojë për deri në 16 fëmijë në të njëjtën kohë. Çdo autobus është i pajisur me panele diellore për të drejtuar ajrin e kondicionuar dhe një furrë me mikrovalë, plus një banjë të vogël. Ata mund të funksionojnë tërësisht jashtë rrjetit – një domosdoshmëri në një rajon ku energjia elektrike dhe uji mund të mungojnë.
“T’u jepet të gjithë fëmijëve qasje në arsimin parashkollor që është gjithëpërfshirës, i kujdesshëm dhe krijues, është një gjë thelbësore,” tha Stefania Giannini, ndihmës drejtoreshë e përgjithshme për arsimin në UNESCO.
“Projekti i Uzbekistanit i Kopshtit të Fëmijëve në rrota ofron një model që mund të frymëzojë vendet në mbarë botën për të arritur të njëjtin qëllim”, shtoi Giannini./Katror.info
Përgatiti:
