Që kur filloi Kampionati Botëror, vëmendja është kthyer kah ndeshjet spektakulare, që kësaj here mbahen në Katar. Ndërkohë ajo që i intereson qytetarëve të Kosovës është stadiumi 974, që pas Kupës së Botës do të çmontohet dhe pritet të dhurohet donacion.
Kosova është një nga vendet kandidate për ta fituar këtë donacion dhe këtë e ka konfirmuar edhe i pari i Federatës së Futbolllit të Kosovës, Agim Ademi në një intervistë për RTK-në.
“Është një stadium 974 që është i ndërtuar me 974 kontejnerë, atë e kemi konfirmuar kemi bërë kërkesë në Federatën e Katarit, por edhe FIFA-s, pasi ai stadium do të largohet nga aty. Dohas nuk i duhen më stadiumet e tilla dhe do të largohen disa nga to ku do t’i dhurohen vendeve të tjera”, tha Ademi.
Mundesh me e lexu edhe…
“Jemi ndër kandidatët më seriozë për ta fituar këtë donacion, duke marrë parasysh edhe partneritetin që kemi me Federatën e Futbollit të Katarit”, vazhdoi tutje Ademi.
“Transporti o faktor, edhe pse është i kushtueshëm, por shpresojmë ta kemi në Kosovë. Nuk mund të themi 100 për qind që është e kryer, por kemi shumë shanse dhe ndoshta jemi federata më së afërmi ne”, deklaroi Ademi.
Stadiumi 974 ka një kapacitet prej 44 mijë tifozësh, derisa është hapur më 30 nëntor të vitit 2021./Katror.info
Përgatiti:
