Trajneri i Kombëtares së Zvicrës. Murat Yakin ka folur rreth ndeshjes që do të zhvillohet më 9 shtator në stadiumin ‘Fadil Vokrri’ në Prishtinë mes Zvicrës e Kosovës në kuadër të kualifikimeve për Euro 2024.
Ai e ka quajtur ndeshjen vëllazërore teksa ka shfaqur ankesa për gjendjen e fushës në Prishtinë.
“Nga shorti e dija se kjo mund të ishte një nga ndeshjet më të vështira në grup. Gjithashtu emocionalisht. Ju keni lojtarë të lidhur me Zvicrën, ne kemi lojtarë të lidhur me Kosovën. Por, emocionet në këtë duel vëllazëror do të jenë vetëm pozitive. Unë jam më i shqetësuar për diçka tjetër. Fusha në Prishtinë ishte në gjendje shumë të keqe gjatë ndeshjes së fundit në shtëpi kundër Rumanisë”, ka thënë Yakin për 20min, transmeton albinfo.ch.
Mundesh me e lexu edhe…
“Shpresoj se do të luajmë në një fushë të mirë”, ka shtuar tutje trajneri i helvetikëve.
Tifozët në Kosovë janë të entuziazmuar për ndeshjen që Kosova e zhvillon në kuadër të kualifikimeve të Kampionatit Evropian ndaj Zvicrës.
Duke ditur se kanë mundësinë që të shikojnë nga afër lojtarët e ekipit të Kosovës, tifozët Dardanë do të kenë mundësinë të shikojnë edhe Granit Xhakën dhe Xherdan Shaqirin që reprezentojnë Zvicrën.
Nga ky entuziazëm i madh, në momentin që FFK bëri të ditur se biletat për këtë ndeshje dolën në shitje, filluan edhe probleme teknike.
Tentime e mëdha për të siguruar një biletë bënë që uebsajti ku u vendosën biletat në shitje kishte probleme të mëdha teknike dhe rikthehej herë pas here.
Biletat për tribunat në veri dhe jug kushtuan nga 5 euro, për lindje 10 euro, perëndim 20 euro, kurse bileta VIP 80 euro.
Por, më vonë u bë e ditur se të gjitha biletat për ndeshjen Kosovë-Zvicër janë shitur. Zvicra i prin Grupit I me 10 pikë pas katër ndeshjeve. Kosova ka grumbulluar tri pikë./Katror.info
Përgatiti:
