Më 20 nëntor në Katar nis Kampionati Botëror në Futboll. Ajo çka mbahet mend, sikurse në çdo kupë tjetër, janë emocionet e lojtarëve me rastin e shënimit të golave vendimtare. Katror.info ju sjell më poshtë momentet më ikonike që kanë lënë gjurmë si kremtimet më joshëse dhe të bukura gjer më tani.
“Kërcimi i Lavdisë” Lojtari: Pele | Shteti: Brazil | Kupa e Botës: 1970, Meksikë
Mund t`i besoni njeriu për të festuar me stil golin e 100-të të brazilit të shënuar në Kampionatet Botërore. Fotografia e përjetshme e Peles, që kërcen në krahët e Jarzinhos, me grushte të shtrënguara dhe duke bërtitur nga gëzimi, është një nga fotografitë më të adhuruara, që përshkruan momentet e përkryera të Brazilut në finalen kundër Italisë. Finalja në Meksikë ishte finalja e parë që u transmetua me ngjyra në gjithë botën.
“Shkëmbi i djepit” Lojtari: Bebeto | Shteti: Brazil | Kupa e Botës: 1994, SHBA
Heroi brazilian Bebeto që ishte në qendër të vëmendjes së Kupës së Botës 1994 pasi që festoi golin e tij ikonik, ndërsa i tundte krahët e tij për ta festuar lindjen e të birit Mattheus.
Pasi shënoi golin e dytë të Brazilit kundër Holandës në çerekfinale, Bebeto vrapoi drejt vijës së kontaktit dhe u bashkua me shokët e skuadrës Mazinho dhe Romario për të formuar një djep me duart e tyre.
Legjenda braziliane më vonë e ripërsërtiti edhe në disa ndeshje tjera momentin me Mattheus, tani 20 vjeç, dhe ka frymëzuar shumë lojtarë të tjerë në mbarë botën për të kopjuar një nga festimet më ikonike ndonjëherë.
“BAFANA BAFANA BOP” Lojtari: Sisphiwe Tshabalala | Shteti: Afrika e Jugut | Kupa e Botës: 2010, Afrika e Jugut
Tshabalala kishte shënuar golin e parë të Kupës së Botës 2010, duke i dhënë kombit të tij një epërsi befasuese kundër Meksikës. Pritej padyshim një festë e furishme pas një goli mahnitës. Mesfushori ftoi shokët e skuadrës Teko Modise, Kagisho Dikgacoi dhe Katlego Mphela për t’u bashkuar me të në vijën e kontaktit për një Macarenë të stilit afrikano-jugor të ushtruar mirë.
‘POLE DANCE’ Lojtari: Roger Milla | Shteti: Kamerun | Kupa e Botës: 1990, Itali
Ai ishte njeriu që filloi gjithçka. Kamerunasi 38-vjeçar i tregoi botës se megjithëse vendi i tij vlerësohej si autsajder, ata me siguri se dinin se si ta festonin suksesin e tyre me stil. Në një turne ku mposhtën kampionët në fuqi Argjentinën, Rumaninë dhe Kolumbinë gjatë rrugës për në çerekfinale, Milla festoi çdo gol duke vrapuar drejt flamurit të këndit dhe duke rrotulluar ijet e tij në atë që u bë tundja më e famshme e futbollit.
‘MISTER POSER’ Lojtari: Brian Laudrup | Shteti: Danimarkë | Kupa e Botës: 1998, Francë
Nga gëzimi i shfrenuar në ndjeshmëri të lehtë. Një ndryshim emocionesh që përmbledh në mënyrë të shkëlqyeshme festën me klas të Michael Laudrup kundër Brazilit. Duke përfituar nga një gabim i Roberto Carlos, Laudrup qëlloi rrjeten dhe u nis në një vrapim të egër festiv. Ai megjithatë vendosi nën kontroll emocionet e tij, rrëshqiti në terren dhe u shtri duke pozuar.
‘ROBOCROUCH’ Lojtar: Peter Crouch | Shteti: Angli | Kupa e Botës: 2006, Gjermani
Ai mund të mos mbahet mend për golat e tij gjatë përgatitjes së Anglisë, por shpikja e tij e famshme – Robot Dance – është bërë një festë kulti. Sulmuesi e filloi këtë rutinë fillimisht gjatë një ahengu në shtëpinë e Beckham dhe më pas e shpalosi atë para botës gjatë miqësoreve kundër Hungarisë dhe Xhamajkës. Disa u befasuan, të tjerët u befasuan. Crouch kishte thënë se do t`i përsëriste këto lëvizje, nëse Anglia fiton Kupën e Botës. Por kjo deri me tani nuk ka ndodhur.
‘JERSEY JIG’ Lojtar: Papa Bouba Diop | Shteti: Senegali | Kupa e Botës: 2002, Koreja e Jugut dhe Japonia
Ishte ndoshta tronditja më e madhe dhe më e keqe që Senegali mund t’i jepte Francës. Pasi që mposhti portierin Fabian Barthez, Diop ftoi bashkëlojtarët që të tubohen te flamuri i këndit. Më pas ai hoqi fanellën e tij, e shtriu në tokë dhe së bashku me shokët e tij kërcyen rreth saj./Katror.info
Përgatiti:
