“Xhamadani vija-vija” është një nga këngët më të dashura të Shkurte Fejzës, që shoqëron shqiptarët në ngjarje të mëdha kombëtare, sidomos në sukseset në sport, e veçanarisht në futboll.
Krijuesi i kësaj kënge, Zef Çoba, ka qenë i ftuar në “Vizionin e Pasdites” në Vizion Plus, ku ka treguar historinë e këngës dhe ka folur edhe për karrierën e tij.
“Unë gjej rastin të them që është kënaqësi që kënga ka filluar kaq shumë popullaritet. Të sensibilizohemi për patriotizmin në të përditshmen tonë, ta duam vendin tonë. I bëj thirrje dhe politikanëve mos ta shikojnë shqipërinë nga dritarja e shtëpisë së tyre. Në etnosin tonë ne kemi të ardhmen tonë, është një ftesë për të gjithë ne që të respektojmë çdo gjë që të parët tanë na kanë lënë. Në këtë mozaikun e bukur që kanë popujt me kulturat e tyre, të vëmë gurin tonë të trashëgimisë. Unë u emërova në Peshkopi, por ato vite kam studiuar folklorin,” thotë ai duke dhënë detaje për këngën.
Mundesh me e lexu edhe...
“Një ditë, brenda një nate, Shkurte Fejza më bën një ftesë për të bërë një këngë dhe me Alfred Çapalikun kemi filluar punën në 10 të natës dhe në 5 të mëngjesit gjithçka ka qenë e përfunduar. Ajo që është më surprizuese për mua është kur e kanë kënduar grupe të huaja, e ka kënduar një kor i një kolegji amerikan. Ose ai grupi suedez që e këndoi në formën e një rock-u. Ajo që është thelbësore është përmbajtja që flet. Ideja nuk është thjesht Xhamadani vija-vija, në etnosin tonë është shpirti ynë kombëtar. Është një sensibilizim që çdo trashëgimi kombëtare ta ruajmë”, tha ai.
Kohë më parë poeti Alfred Capaliku, autori i tekstit të këngës pat treguar detaje të kesaj kenge, kur ne vitet e ’90ta kishte takuar Shkurte Fejzen.
“Në darkë më erdhën në shtëpi Shkurte Fejza me bashkëshortin dhe miku im Zef Coba. I thashë gruas t’i shërbente mysafirëve dhe vetë u futa në dhomë për të shkruar i qetë tekstin e këngës. Mora frymëzim nga Shkurte Fejza dhe nisa tekstin si një udhëtim, udhëtimin që kishte bërë këngëtarja nga Kosova për të ardhur në Shqipëri. Më vjen mirë sepse kjo këngë po e humb autorësinë dhe po kalon në folk. Gjithashtu më ka rastisur ta dëgjoj këtë këngë në diskoteka dhe më vjen mirë që pëlqehet nga brezi i ri”.
“Kam marrë shumë çmime, por ajo që më krenon më shumë është kur në 2 shtator të vitit 2002, në ndeshjen miqësore Kosovë-Shqipëri i gjithë stadiumi buçiste duke kënduar refrenin e kësaj kënge”, nënvizon kompozitori Coba në një intervistë për Top Channel në vitin 2011.
Në këto vite, është bërë disa herë me radhë krenar Çoba, por edhe Çapaliku dhe Shkurte Fejza! /Katror.info
Përgatiti:
