Ligjvënësit e Kosovës të enjten i dhanë në lexim të dytë miratimin ligjit për ndarjet buxhetore për vitin 2024. Ndonëse nga opozita Qeveria u kritikua për diskriminim e planifikim jo të mirë të buxhetit, megjithatë mazhoranca u pajtua.
Për vitin 2024, Qeveria e Kosovës ka planifikuar ndarjen buxhetore si në vijim:
- 860 milionë euro do të shkojnë për infrastrukturë dhe kapacitete të reja energjetike;
- 742 milionë euro do të shkojnë për komunat, prej të cilave 635 milionë, grante nga Qeveria;
- 370 milionë euro do të shkojnë për mbrojtje dhe siguri;
- 370 milionë euro do të shkojnë për arsim, përfshirë grantin për komuna;
- 340 milionë euro do të shkojnë për shëndetësi, përfshirë grantin për komuna;
- 95 milionë euro do të shkojnë për shtesat për lehonat dhe fëmijët;
- 58 milionë euro do të shkojnë për infrastrukturë sportive për Lojërat Mesdhetare 2030;
- 29 milionë euro do të shkojnë për masa të punësimit;
- 3 milionë euro do të shkojnë për Preshevë, Medvegjë dhe Bujanoc.
Ligji mbi ndarjet buxhetore ka kaluar në lexim të dytë me mbështetjen e 63 deputetëve.
Mundesh me e lexu edhe…
Në votim nuk kanë marrë pjesë deputetët e tri partive opozitare, PDK, LDK dhe AAK. Opozita nuk kishte marrë pjesë as në votimin e parë të këtij Projektligji në muajin nëntor./Katror.info
Përgatiti:
