Austriakët shpenzojnë mesatarisht 1600 euro në vit për ushqimin në restorante dhe kështu ndodh në pjesën më të madhe të Europës.
Ndërsa në vitin 2012, austriakët lënë 29 për qind të shpenzimeve të ushqimit restoranteve, në vitin 2022 kjo u rrit në 36 për qind, sipas analizës së kompanisë së kërkimit të tregut Regiodata Research.
Në vitin 2022, austriaku mesatar ka shpenzuar mesatarisht 1600 euro për ushqim në restorante, ndërsa në vitin 2012 ka shpenzuar 900 euro.
Mundesh me e lexu edhe…
“Megjithëse pjesa e shpenzimeve të ushqimit në konsumin total ka mbetur pothuajse e pandryshuar gjatë dhjetë viteve të fundit, një ndryshim shumë i qartë në drejtimin e kateringut është i dukshëm,” zbuloi Regiodata Research.
Me përjashtim të viteve të pandemisë, 2021 dhe 2022, industria e mikpritjes në Austri regjistroi rritje konstante prej pesë deri në shtatë për qind në vit për dhjetë vjet. Vizita e restoranteve dhe dyqaneve të ngjashme është veçanërisht e popullarizuar në mesin e të rinjve dhe shkon përtej rëndësisë së vakteve. E njëjta gjë është edhe në vendet e tjera evropiane.
Italianët shpenzojnë 1100 euro në vit për të ngrënë jashtë dhe ka një rritje të madhe të këtyre shpenzimeve në Republikën Çeke deri në 100 për qind në krahasim me vitin 2017. Mesatarisht, çekët shpenzojnë 600 euro në vit për ushqimin në restorante.
Nga ana tjetër, ngrënia jashtë është më pak e popullarizuar në Ballkan: në Serbi, Rumani dhe Bosnje-Hercegovinë, qytetarët shpenzojnë mesatarisht vetëm 90-125 euro në vit.
Në analizë shkruhet se diapazoni i këtyre shpenzimeve sipas vendeve sigurisht që reflekton fuqinë blerëse dhe ka devijime që mund të konfirmojnë edhe stereotipe sociale.
Kështu, në ndryshim nga shpenzimet e mëdha të francezëve apo italianëve për ushqim në restorante, ato janë dukshëm më të vogla në Britaninë e Madhe dhe Zvicër.
Përgatiti:
