Nëse ndonjëherë jeni ndjerë se nuk mund të arrini sukses në jetë, sepse keni lindur në një vend të varfër, ku edhe nëse fati do t’iu buzëqeshë, rrethanat do të jenë pengesë, ne ju sjellim një shembull që e përmbys këtë teori.
I lindur në fshatin Arraba në Izrael nga një familje muslimane arabe me origjinë palestineze, Nuseir Yassin, i kishte predispozitat të mbetet një djalë fshati në vendin ku bashkëjetesa mes arabëve dhe izraelitëve lë për të dëshiruar.
Por, Nuseir Yassin, video-bloggeri arabo-izraelit, i njohur për krijimin e mbi 1000 videove ditore, një minutëshe në Facebook, TikTok dhe Instagram në faqen Nas Daily, na dëshmon të kundërtën.
Nuseir nuk ishte thjesht një djalë fshati i cili pati fatin të bëhej njeri i suksesshëm. Në kohën kur në vendin e tij situata shkonte e përkeqësohej, sidomos pas ngjarjeve të 11 shtatorit, shancat që Nuseir t’i përmbushte ëndërrat e tij ishin tejet e vogla.
Mirëpo çka e karakterizoi Nuseir ishte dëshira e madhe për të studiuar dhe për t’i përmbushur qëllimet e tij.
Në një video 5-minutëshe, për të cilën thotë se mori kohë 15 vite punë e palodhshme për të arritur këtu, ai na shpjegon se me çka u ballafaqua dhe si ia doli t’i bënte ëndërrat e tij realitet hap pas hapi, dhe se sikur ai që ia doli, mund t’ia dalë secili që ka guximin dhe vullnetin të ëndërrojë. Shikojeni videon më poshtë për ta parë rrugëtimin e tij drejt suksesit. ⤵️
Si një arab palestinez me nënshtetësi izraelite, Yassin e përshkruan veten si një “izraelit palestinez”.
Nëna e Nuseir është mësuese dhe babai i tij është psikolog.
Gjuha amtare e Nuseir është arabishtja palestineze, por gjithashtu flet rrjedhshëm anglisht dhe hebraisht jo rrjedhshëm.
Nuseir aplikoi në Universitetin e Harvardit të Shteteve të Bashkuara në moshën 19 vjeçare, për të diplomuar në inxhinierinë e hapësirës ajrore dhe mori një bursë. Dhe këtë thotë se ia doli ta bënte vetëm nga Google, platformë që i mundësoi të informohej rreth këtij universiteti prestigjioz.
Eseja e tij e aplikimit detajoi luftën e tij për të arritur ëndrrat e tij si një arab etnik i lindur në Izrael.
Ai mori një diplomë në ekonomi në 2014 dhe një minor në shkenca kompjuterike.
Gjersa ishte në studime, Yassin bashkëthemeloi një shërbim regjistrimi të pagesës dhe një motor kërkimi në media sociale.
Në shtator 2014, ai filloi të punojë si zhvillues softuerësh për Venmo, një shërbim pagese celulare në pronësi të PayPal, në Nju Jork. Sot videot e tij shihen prej miliona njerëzve në ditë dhe shërben si inspirim për të rinjtë se me punë dhe vullnet arrihet gjtihçka në jetë.
Mos prit guxo edhe TI e ndjeki andrrat tua drejt qëllimeve dhe suksesit 🙂
Për ma shumë Lajme të Mira dhe inspiruese pëlqeje/follow katror.info
https://www.facebook.com/katror.info/