Një tjetër lajm i mirë vjen këtë javë rreth kriptovalutave, pas njoftimit se një prej kriptomonedhave më të mëdha në botë – Ethereum – ka ulur përdorimin e energjisë.
Ky sektor është përballur me kritika të vazhdueshme për qëndrueshmërinë e tij të dobët, me serverët famëkeq që bëjnë harxhim masiv të burimeve të energjisë.
Ndryshimet e kodimit në platformë të finalizuara këtë javë ndikojnë që të mos ketë nevojë për fuqi të madhe kompjuterike më për të përfunduar transaksionet, duke ulur përdorimin e energjisë deri në 99,95%.
Mundesh me e lexu edhe…
Ekspertët e kanë mirëpritur këtë ndryshim, i ashtuquajtur ‘Bashkimi/The Merge’ i cili po konsiderohet si një nga momentet më domethënëse në historinë e kriptove, njofton Positive News.
Pas lajmit, bashkëthemeluesi i Ethereum, Vitalik Buterin shkroi në Twitter: “Gëzuar bashkimin të gjithëve. Ky është një moment i madh për ekosistemin Ethereum. Të gjithë ata që ndihmuan në realizimin e bashkimit duhet të ndihen shumë krenarë sot.”
Bitcoin, kriptomonedha më e madhe në botë, është përgjegjëse për rreth 70 milion ton dioksid karbon në vit.
Nën-kampioni Ethereum ka një konsum vjetor të energjisë ekuivalente me Bangladeshin – por tani e tutje ky konsum do të jetë aq i lehtë sa gjurmët e tij të karbonit mezi do të vërehen.
Përgatiti:
