Lamine Yamal, diamanti i ri nga La Masia

Futbollisti i Barcelonës, Lamine Yamal (16) ka konfirmuar se çfarë talenti është në turin përgatitor me katalanasit. Ky është një tjetër produkt i shkollës së famshme.

Në vetëm dhjetë minuta që kaloi në ndeshjen kundër Tottenhamit, Yamal asistoi një herë dhe dy herë mori pjesë në aksionet përfundimtare që rezultuan në dy gola të tjerë.

Në 30 vitet e fundit, Barcelona ka nxjerrë disa emra të mëdhenj nga ekipi i saj i të rinjve, ka pasur ase të përzgjedhur të klasit më të lartë, si Messi, Xavi, Iniesta, Puyol, Pique e shumë të tjerë. Kohët e fundit, Ansu Fati ka “kurorëzuar” veten si xhevahiri i kurorës së La Masia-s dhe kjo “aureolë” nuk ka gjasa të hiqet nga askush në një të ardhme të parashikueshme, megjithatë, fabrika e talenteve ka punuar aq mirë kohët e fundit sa një “perlë” tjetër ka hyri në skenën e madhe, shkruan Katror.info.

Sezonin e kaluar, Lamine Yamal u bë debutuesi më i ri në historinë e klubit, pasi Xavi e futi atë në ndeshjen kundër Betisit në momentin kur ky djalosh ishte 15 vjeç, 9 muaj e 16 ditë.

Ai ishte pjesë e skuadrës që fitoi kampionatin spanjoll, që është një fillim mjaft solid i karrierës së një futbollisti.

Lamine është me ekipin e parë të Barcelonës që nga shtatori i vitit 2022 dhe që nga ajo kohë, dalëngadalë, ka nisur të depërtojë dhe të hapë rrugën në garën më të fortë. Në ndeshjen e fundit kundër Tottenham-it, ai bëri çmos që të mbahet mend mirë nga publiku i gjerë – në vetëm dhjetë minuta lojë, ai bëri diçka që askush më me përvojë se ai nuk do ta kishte bërë.

Në atë periudhë, ky sprinter asistoi për golin e barazimit, më pas mori pjesë në përfundimet e dy aksioneve që rezultuan me gol për katalanasit dhe në fund fituan ndaj Tottenhamit 4:2.

Është e qartë pse Xavi e prezantoi në ekipin e parë vitin e kaluar dhe pse po e “shtyn” në fushë sa herë që i jepet rasti.

What were you doing at his age? 🤯 pic.twitter.com/dcIqoQ3zUR

— FC Barcelona (@FCBarcelona) August 8, 2023

Kështu, në fund të fundit, edheXavi e nisi dikur karrierën, së bashku me Iniestën, Messin dhe talentët tjerë të La Masias, shkollë kjo e cila ka qëndruar e palëkundur pavarësisht turbullirave financiare pothuajse dramatike që po trondisin themelet e klubit të famshëm.

Sidoqoftë, si në kohëra të mira, ashtu edhe në të këqija për klubin,, investimet më të sigurta janë ato në të rinjtë e talentuar dhe dëshmia e kësaj është Yamal, i cili padyshim që sapo është “shfaqur”, por që ka shumë gjasa të bëhet ylli i ardhshëm i madh i Barçës dhe i futbollit botëror.

Me baba marokien, nga Guineja Ekuatoriale dhe vetë i lindur në Spanjë, duket se është vetëm çështje kohe para se të shohim Yamal me një fanellë me simbole kombëtare. /Katror.info