Fansat e muzikës votuan në një sondazh të publikuar të premten e 1 shtatorit në platformën Billboard, duke e renditur në vend të parë rep artisten, Nicki Minaj dhe këngën e saj të re “Last Time I Saw You”, si publikimin e tyre të preferuar muzikor të javës së kaluar.
“Last Time I Saw You” mblodhi gati 48% të votave, duke mposhtur këngën e re nga Timbaland me Nelly Furtado dhe Justin Timberlake, “Keep Going Up”, Doja Cat “Demons”, Lil Wayne “Kat Food”, Jhayco dhe Peso Pluma “Ex-Special” dhe të tjerë.
Kënga “Last Time I Saw You” është shija e fundit nga “Pink Friday 2”, albumi i ardhshëm i Minaj.
Albumi, i cili do të publikohet më 17 nëntor, do të shërbejë si vazhdim i albumit debutues në studio të Billboard 200 të Minaj dhe si vazhdim i suksesit të albumit “Queen” të vitit 2018, që arriti kulmin në vendin e dytë dhe krijoi këngë si “Chun-Li” e “Good Form”.
Prurja e re e Nickit, kujton këngën ikonike “Moment 4 Life” nga “Pink Friday”, me një produksion të butë pop që ofron themelin për një performancë të pasionuar në këngë, në të cilën Minaj reflekton se po largohet nga dikush i veçantë.
“Më lut të qëndroj dhe pastaj largohesh. Ka diçka që doje të thuash. Unë isha me nxitim dhe ti thua se ishe i shtypur. Por unë thashë se do të kthehesha, është në rregull”, këndon 40-vjeçaja, me një ritëm të freskët dhe R&B.
Pas “Last Time I Saw You” në sondazh është renditur kënga e ribashkimit të Timbaland “Keep Going Up”, e cila mblodhi 27% të votave.
Gjashtëmbëdhjetë vjet pasi Timbaland, Timberlake dhe Furtado zbuluan kryesuesin e tyre në Billboard Hot 100 “Give It to Me” në vitin 2007, treshja u ribashkuan për bashkëpunimin e tyre më të ri “Keep Going Up”./Katror.info