Hapësira përreth stadiumit Fadil Vokrri sot ka marrë pamje tjetër. Një grup vullnetarësh të organizatës “Let’s Do It- Ta Pastrojmë Kosovën” bashkë me nxënës të Shkollës Model “Qamil Batalli”, kanë shënuar sot Ditën Ndërkombëtare e Tokës, në përpjekje të ndërgjegjësimit për çështjet mjedisore dhe promovimin e praktikave të qëndrueshme.
Luan Hasanaj nga Let’s do it – ta pastrojme Kosovën, thotë se përfshirja qytetare bën ndryshime dhe zgjidhje të problematikave te ndotjes në Kosovë.
Hasanaj e sheh si çështje urgjente largimin e deponive, dhe konsideron se vullneti qeveritar do duhej të bënte një zgjidhje permanente, për ruajtjen e ambientit nga ndotja prej mbeturinave.
Mundesh me e lexu edhe...
Ai konsideron se të gjithë duhet të përfshihen në zgjidhjen e çështjeve të përgjithshme që kanë të bëjnë me të mirën e komunitetit.
Në anën tjetër, Besnik Shabiu nga organizata “Let’s Do It- Ta Pastrojmë Kosovën” thotë se kjo ditë nuk është vetëm ditë pastrimi, por është një mesazh dhe protestë rreth mënyrës se si trajtohet planeti ynë, nga konsumimi i tepërt që pastaj kalon ne ndotje.
Këto çështje mjedisore të ndërlidhura kanë implikime të thella për ekosistemet, biodiversitetin dhe stabilitetin e klimës sonë, por edhe ndikojnë drejtpërdrejt në shëndetin dhe mirëqenien tone te përgjithshme. Andaj edhe psikologia e Shkollës Model “Qamil Batalli, Kosovare Haziri, e cila se bashku me fëmijët i është bashkuar këtij aktiviteti, thekson nevojën e ndërgjegjësimit që nga mosha e hershme për të kuptuar ndikimin që ka ambienti në të cilin jetojmë në shëndetin tonë.
Dita e Tokës është vetëm një ditë e shënuar dhe një thirrje e cila manifestohet me aktivitete për ruajtjen e ambientit, por mesazhi i plotë i saj është vetëdijesimi i shoqërisë dhe vendosja në praktikë e normave për ruajtjen e ambientit dhe shpëtimin e planetit nga ndotësit./Katror.info
Përgatiti:
