Microsofti mund ta shtojë Netflixin në listën e aplikacioneve në dyqanin e tij më 2023.
Sipas Reuters, kreu i Microsoftit, Satya Nadella, vazhdon të mendojë më tej në drejtim të zgjerimit të kompanisë dhe se Netflix është një zgjedhje logjike.
Që nga promovimi i tij në udhëheqjen ekzekutive të gjigantit të teknologjisë në vitin 2014, Nadella ka bërë disa lëvizje interesante. Filloi me blerjen prej 2.5 miliardë dollarësh të kompanisë që qëndron pas lojës Minecraft.
Mundesh me e lexu edhe…
Më vonë, Microsoft bleu LinkedIn për 26 miliardë dollarë dhe zhvilluesin e softuerit të njohjes së të folurit dhe inteligjencës artificiale Nuance për 20 miliardë dollarë. Activision Blizzard do të jetë, nëse saga me rregullatorët amerikanë përfundon me sukses për Microsoftin, deri tani sipërmarrja më e madhe e blerjeve, me 69 miliardë dollarë.
Microsofti, sipas Reuters, aktualisht është i zënë duke luftuar rregullatorët amerikanë për të drejtën për të përfunduar blerjen e Blizzardit. Vendosja e tij nën të njëjtën çati me konsolën e lojërave, Xbox, ka çuar në shqetësime rregullatore për dominimin e tregut.
Edhe nëse Nadella humbet kompaninë e video-lojërave për shkak të shkeljes së konkurrencës, zotërimi i Netflixit do të kishte kuptim strategjik dhe ka të ngjarë të ishte më e lehtë për t’u bërë në Uashington dhe Bruksel.
Microsofti dhe Netflixi tashmë janë të lidhur ngushtë. Netflixi ka zgjedhur Microsoftin si partnerin e tij të reklamave për shërbimin e ri të abonimit të mbështetur nga reklamat.
Nadella ka treguar gatishmëri për të qenë një tregtar i guximshëm. Bazuar në këtë, është e lehtë të besohet se Microsofti tani do të fokusohet në Netflix.
Përgatiti:
