Të gjithë ne mund të përfitojmë nëse tregojmë më shumë kujdes për veten dhe nëse stresohemi më pak. Fuqia e leximit është një ndër metodat që mund të na përmirësojë shëndetin tonë mendor.
“Leximi nxit relaksimin dhe qetësinë e brendshme. Hulumtimet vërtetojnë se një zakon i rregullt i leximit lidhet me më pak depresion, vetëbesim më të lartë, gjumë më të mirë dhe nivele më të ulëta stresi, krahasuar me ata që nuk lexojnë”, thotë Burwell. “Plus librat mund të ofrojnë shpërqendrime të shëndetshme gjatë periudhave stresuese”, shkruan The Healthy.
Ka shumë zhanre dhe formate librash që mund ta rrisin lumturinë dhe ajo çka e ke shijuar së lexuari në të kaluarën mund të ofrojë një aluzion të asaj që dëshiron në të ardhmen. Ose një libër me stil të ngjashëm mund të ofrojë një dozë të këndshme nostalgjie.
Mundesh me e lexu edhe…
Disa nga librat e lumturisë që terapistët rekomandojnë:
“After the Rain: Gentle Reminders for Healing, Courage, and Self-Love” apo në shqip “Pas shiut: Rikujtime të Këndshme për Shërim, Kurajo dhe Vetëdashuri”.
Tregimtarja e famshme dhe e kujdesit për veten në Instagram, Alexandra Elle (@alex_elle) rrëfen udhëtimin e Elle nga dyshimi për veten në zbulimin e vetvetes në dashurinë për veten. Aty përfshihen 15 mësime për kapërcimin e pengesave, përmirësimin e besimit dhe të jetuarit e një jete më të ndershme dhe më të plotë.
Give and Take: Why Helping Others Drives Our Success” apo në shqip, “Merr dhe jep: Pse t’i ndihmosh të tjerët të dërgon drejt sukesit?”
Ndërsa shumë libra të vetëndihmës që përqendrohen te suksesi flasin për të qenit të pamëshirshëm për të pasur sukses, “Merr dhe jep: Pse t’i ndihmosh të tjerët të dërgon drejt sukesit?” nga psikologu organizativ Adam Grant ka një qasje të re për këtë temë – kjo është arsyeja pse mori notat kryesore nga Hafeez.
“The Magic of Thinking Big” apo në shqip “Magjia e të menduarit të madh.”
Ky libër i lumturisë sugjeron se në vend të talentit të jashtëzakonshëm ose një IQ super të lartë, ajo që duhet me të vërtetë për të gjetur lumturinë dhe suksesin është mendësia e duhur.
“The Book of Joy: Lasting Happiness in a Changing World” apo në shqip “ Libri i lumturisë: Lumturia e përhershme në një botë në ndryshueshmëri”.
Fituesit e Çmimit Nobel për Paqe, Dalai Lama (udhëheqësi shpirtëror i Tibetit) dhe kryepeshkopi Desmond Tutu (klerik, teolog dhe aktivist i të drejtave të njeriut nga Afrika e Jugut) kaluan pesë ditë së bashku duke diskutuar se si zbuluan gëzimin në momentet e tyre më të vështira.
“The Power of Now: A Guide to Spiritual Enlightenment” apo në shqip “Fuqia e së tashmes: Një udhëzues drejt Iluminimit Shpirtëror”.
Në vend që të shqetësoheni për të ardhmen ose t’i ktheheni të kaluarës, ky libër vetëndihmës, “Fuqia e së tashmes: Një udhëzues drejt Iluminimit Shpirtëror”, nga Eckhart Tolle, sugjeron që të përqendroheni pikërisht në të tashmen, të sotmen./Katror.info
Përgatiti:
