Sulmuesi i talentuar kosovar, Edon Zhegrova, është në qendër të vëmendjes së afatit kalimtar të kësaj verë.
Sipas medieve britanike, klubi francez Lille ka vendosur çmimin për kartonin e tij në 20 milionë euro, derisa lojtari prej kohësh është duke u monitoruar nga disa klube të njohura evropiane.
Klubi anglez, Everton është futur seriozisht në garë për yllin e Kombëtares së Kosovës.
Mundesh me e lexu edhe…
Sipas burimeve pranë klubit, drejtuesit e Lille nuk janë të gatshëm të lejojnë largimin e Zhegrovës për një shumë më të ulët, duke u bazuar në paraqitjet mbresëlënëse të 25-vjeçarit gjatë sezonit të fundit.
Zhegrova ishte ndër lojtarët kyç të skuadrës, me kontribute të rëndësishme në kampionat dhe në garat evropiane.
Evertoni, i cili po kërkon përforcime cilësore në repartin ofensiv pas një sezoni të vështirë, e sheh Zhegrovën si një alternativë ideale për krahët e sulmit.
Mediat angleze raportojnë se “Toffees” janë të gatshëm të nisin negociatat zyrtare në ditët në vijim.
Zhegrova ka kontratë me Lille deri në verën e vitit 2026 dhe ka shënuar 8 gola e dhënë 6 asistime në sezonin 2024/25. /Katror.info
