Bendi amerikan i rokut “Linkin Park ka njoftuar se një këngëtare e re, Emily Armstrong, do t’i bashkohet për albumin dhe turneun e tyre të ri.
Ish-vokalisti kryesor i grupit, Chester Bennington, ka vdekur në vitin 2017.
Armstrong do të bashkohet me anëtarët e rikthyer Mike Shinoda, Brad Delson, Phoenix dhe Joe Hahn për projektet e ardhshme të grupit, raporton BBC.
Armstrong do të këndojë krahas me Shinoda, ndërsa Colin Brittain do të bashkohet gjithashtu si bateristi i ri i grupit.
Grupi njoftoi formacionin e tyre të ri përpara lansimit të albumit të tyre të ardhshëm “From Zero” dhe një turne të ri botëror.
Armstrong u rrit në Los Anxhelos dhe njihet më së shumti si këngëtarja e grupit alt-rock “Dead Sara”, të cilin ajo e themeloi me kitaristin Siouxsie Medley në vitin 2005.
Në një intervistë me Billboard, Amstrong kujtoi ndikimin që pati tek ajo albumi i “Linkin Park”, “Hybrid Theory”, i vitit 2000.
“Isha në një grup kur doli. ‘One Step Closer’ ishte këngë për mua, dhe unë thashë: Kjo është ajo që dua të bëj. Si këngëtare, dua të jem në gjendje të bërtas. Ai album ishte gjithçka – e kam dëgjuar një trilion here”, është shprehur ajo.
Në një epokë të dominuar nga artistë solo, Linkin Park janë një nga grupet më të suksesshme të epokës së transmetimit.
Ata janë grupi i vetëm që shfaqet në top 10 albumet më të transmetuara të Spotify të të gjitha kohërave, me koleksionin e tyre të hiteve më të mëdha “Papercuts” që tërheq më shumë se 9 milionë transmetime në ditë.
Përgatiti:
