Data 22 korrik do të mbetet gjatë në mendje për atleten shqiptare Luiza Gega, që në harkun kohor të 8 orëve fitoi dy medalje të arta në Kampionatin Ballkanik të Atletikës që po zhvillohet Kralevë të Serbisë.
Pas triumfit në garën e 3000 metrave me pengesa (9’21”53), atletja kuqezi fitoi edhe në 3000 metra, garë e zhvilluar gjatë pasdites, ku pati kohën 9’21”48, një kohë thuajse e ngjashme me atë të pak orëve më parë.
Gjithsesi, atletja shqiptare zuri vendin e parë dhe vendosi në qafë medaljen e dytë të artë. Duket se lodhja e garës së paradites nuk e ka ndalur ikonën e atletikës shqiptare të triumfojë edhe gjatë pasdites.
Gega bëri një tjetër garë të jashtëzakonshme, duke e dominuar garën dhe merituar triumfin.
Atletja shqiptare, në garën e paradites siguroi edhe kualifikimin për në Lojërat Olimpike “Paris 2024”, pasi arriti normën kualifikuese në 3000 metra me pengesa. Sipas programit të garave, nesër Gega do të garojë edhe në 5000 metra, ku synon sërish medaljen e artë/Katror.info
Përgatiti:
