Apple ka njoftuar se modelet e reja të laptopëve MacBook Pro, përmbajnë çipat më të fundit të M3, i cili vjen me teknologjinë e re që sjell një përmirësim të dukshëm në jetëgjatësinë e baterisë.
Kompania amerikane ka thënë se modelet e reja ofrojnë jetëgjatësi të baterisë më të gjatë se në ndonjë Mac tjetër.
MacBook Pro 14 inç me çip M3 tani zgjat deri në 22 orë kur shikoni filma me aplikacionin Apple TV ose deri në 15 orë kur shfletoni uebfaqet. Ky model ka një bateri litium-polimer 70 vat-orëshe.
Modelet MacBook Pro 14 inç me çipa M3 Pro dhe M3 Max, zgjasin deri në 18 orë kur shikoni Apple TV ose deri në 12 orë kur shfletoni uebfaqet. Modelet M3 Pro dhe M3 Max 14 inç vijnë me një bateri litium-polimer pak më të madhe prej 72,4 vat-orëshe, shkruan Macrumors, raporton shqip.com.
Modelet 16-inç MacBook Pro të Apple-s me çipa M3 Pro ose M3 Max, janë në gjendje të zgjasin deri në 22 orë kur përdorni aplikacionin Apple TV për të parë filma ose 15 orë kur shfletoni ueb.
Modelet M3 Pro dhe M3 Max 16 inç janë të pajisura me një bateri litium-polimer 100 vat-orëshe.
Modelet MacBook Pro 14 inç mund të karikohen shpejt me adapter të rrymës USB-C 96W, ndërsa modeli M3, ka një përshtatës 70W dhe modelet MacBook Pro 16 inç, mund të karikohen shpejt me mbushësin e energjisë USB-C 140 W./Katror.info
Përgatiti:
