Që nga muaji korrik po i shohim rrugët dhe objektet e kryeqytetit të shndërruara në vepra artistike. Krejt kjo në kuadër të atyre që njihen si aktivitetet më të mëdha kulturore në Evropë, “Manifesta, Bienalja Evropiane Nomade”.
Kjo bienale – sivjet me edicionin e 14-të – i kushtohet artit në hapësirat publike, por shërben edhe si urë komunikimi mes artistëve.
Në lokacione të ndryshme në Prishtinë, për pothuaj dy muaj, artistë vendorë e të huaj kanë shfaqur veprat e tyre.
Mundesh me e lexu edhe...
Ndërsa për 23 shtator organizatorët kanë rezervuar diçka tjetër për artdashësit.
E organizuar nga Servis dhe në bashkëpunim me ta, më 23 shtator vjen Manifesta Night #2.
“Platforma ndërdisiplinore e Prishtinës është e njohur për eksplorimin e tingujve të klubeve underground duke sjellë kulturën e muzikës elektronike në qendër të skenës muzikore të qytetit e duke ndërtuar ura bashkëpunimi me artistë të Ballkanit e ndërkombëtare përgjatë këtyre dhjetë viteve të fundit”.“
“Netët e përmuajshme rave mbahen në hapësira të ndryshme të qytetit me qëllimin e jo vetëm të bërit bashkë të të rinjve të Kosovës përmes muzikës elektronike, por gjithashtu për të rijetësuar dhe për t’i dhënë një qëllim të ri të hapësirave publike në Prishtinë,” kanë shkruar organizatorët në rrjetet sociale.
Aktiviteti mbahet në Kino Rinia ndërsa ju që pëlqeni këtë zhanër mos e lini me ju ikë, por shkoni dhe zbardheni natën e 23 shtatorit.
“Ne ju ftojmë të gjithëve për të kërcyer më datën 23 shtator” thuhet në postimin në Facebook të Manifesta 14 Prishtina.
Përgatiti:
