Gazeta prestigjioze spanjolle “Marca” ka renditur 30 lojtarët më të shpejtë në botë, ku i pari prek 40 kilometra në orë. Në mesin këtyre futbollistëve është edhe Armando Broja, që renditet në vendin e 18-të. Sulmuesi shqiptar i Chelseas ka vrapuar deri më 35.30 km/h.
Vendin e parë e mban 23-vjeçari Sven Botman i Newcastle, i cili edhe pse i gjatë 1.93 m, është futbollisti më i shpejtë në planet me 39.21 km/h. Zakonisht më të shpejtët luajnë në mesfushë ose në sulm, ndërsa holandezi është qendërmbrojtës.
Në vendin e dytë është një tjetër 23-vjeçar që luan po në Premier League. Sulmuesi uruguaian i Liverpool, Darwin Nunez vrapon deri në 38 km/h, duke lënë pas të gjithë shokët e sulmit, si Salah dhe Firmino.
Mundesh me e lexu edhe…
Vetëm vend i tretë për Kylian Mbappe. Sulmuesi i PSG-së vrapon me 37.9 km/h. Ylli francez vitin e kaluar ishte në vend të parë, por tashmë zbret i treti. Surprizë vendi i katërt me blerjen e fundit të Chelsea, Mudryk, që vrapon me shpejtësi 36.63 km/h.
Në “top 10” të futbollistëve më të shpejtë janë edhe Dembele, Traore, Leao, Valverde dhe Davies i Bayern. Vetëm vend i 14-të për Erling Haaland dhe i 16-ti Vinicius Junior, që vrapon me 35.40 km/h./Katror.info
Përgatiti:
