Kompania teknologjike, Apple, ka njoftuar për një përmirësim të madh te iPhone për miliona përdorues, raportoi të mërkurën “The Sun”. Përditësimi i ri i iOS 16.3 është lëshua brenda natës – dhe nuk kushton.
Apple rregullisht nxjerr përditësime në iOS , sistemin e saj operativ iPhone. Ky është sistemi që përdoret për të shkarkuar dhe për t’u qasur në aplikacione dhe gjithçka tjetër.
Ka disa veçori të reja në përditësim, duke përfshirë diçka të quajtur Mbrojtja e avancuar e të dhënave iCloud. Kjo do të thotë që kopjet rezervë të iCloud janë shumë më të sigurta.
Mundesh me e lexu edhe…
Përditësimi përfshin gjithashtu një sfond krejt të ri, rregullime për një mori gabimesh dhe disa arna sigurie.
Për të kontrolluar përditësimin, duhet klikuar te Settings > General > Software Update.
Megjithatë jo të gjithë pronarët e iPhone janë në gjendje të përditësojnë softuerin më të fundit iOS 16.3.
Listë e të gjitha pajisjeve të mbështetura iOS 16 (dhe iOS 16.3) përfshinë: iPhone 14, iPhone 14 Plus, iPhone 14 Pro, iPhone 14 Pro Max, iPhone 13, iPhone 13 mini, iPhone 13 Pro, iPhone 13 Pro Max, iPhone 12, iPhone 12 mini, iPhone 12 Pro, iPhone 12 Pro Max, iPhone 11, iPhone 11 Pro, iPhone 11 Pro Max, iPhone Xs, iPhone XS Max, iPhone XR, iPhone X, iPhone 8, iPhone 8 Plus, iPhone SE.
Sistemi normal iCloud i Applet quhet Mbrojtja standarde e të dhënave. Ai funksionon duke përdorur diçka të quajtur enkriptim, që i bën të dhënat të palexueshme. Kjo është për të parandaluar këdo që tenton të përgjojë të dhënat.
Apple e ruan këtë informacion në qendrat e saj të të dhënave, por gjithashtu mban “çelësat” e enkriptimit që mund të zhbllokojnë shumë nga informacionet. Këto mund të jenë kopje rezervë, foto, dokumente, shënime dhe më shumë./Katror.info
Përgatiti:
